zazaki.net
21 Tebaxe 2017 Dişeme
Girdîya Karakteran : 12 Punto 14 Punto 16 Punto 18 Punto
06 Gulane 2014 Sêşeme 07:43

Hûmara 41. ya Vateyî Vejîya

Xebere: Zazakî.Net

Hûmara 41. ya kovara Vateyî vejîya. Na hûmare de Mehmed Selîm Uzunî derheqê cuya Kurdîzade Ehmed Ramîzî de yew nuşte nuşto û ancî, merdimanê Kurdîzade Ehmed Ramîzî ra Yaşar Öztekî reyde yew roportaj kerdo. Na hûmare de di roportajî bînî zî estê. Yew Alî Aydin Çîçekî derheqê Silê Musî de Memedê Alîyê Axayî reyde, yew zî N. Celalî derheqê floraya Kurdistanî de Ehmedê Dirihî reyde kerdo.

Munzur Çem nuşteyê xo yê bi sernameyê “Elewîtîye de Çimeyê Bawerî, Tarîxî û Kulturî-I” de derheqê bawerîya elewîtîye de melumatan dano. Abdulnasir Korkutata û N. Celalî yew telgrafo ke 1895 de hetê armenîyanê Çewlîgî ra seba sultanê dewleta Osmanî şawîyayo weşanayo û bi sernameyê “Armenî û Şêx Eyubê Çanî” yew nuşte nuşto. Ehmed Kirkanî bi sernameyê “Şîîre de Erotîzm û Şîîrê Fexrî Ergunî de Formê Erotîkî”, Necîbe Kirmizgul bi sernameyê “Hîrê Varyantê Yew Estanike”, Seyîdxan Kurijî bi sernameyê “Hîkayeyê Keyeyî Sehdînî Egîtî”, Dogan Karasuyî bi sernameyê “Yarî”, Îrfan Kayayî bi sernameyê “Şerîet û Komunîzm” nuşteyê xo dayê weşanayene.

Fîruzan Demir sanika Pîre û Luye arêdaya. Ozcan Yilmazî sanika Pasaxine franskî ra tadaya. Ancî B. Şîlan û Ozcan Yilmazî tayê fiqrayî arêdayê. Reyna Ozcan Yilmazî yew fabl arêdayo û na hûmare de weşanayo. Yew deyîra ke Oskar Mannî mintiqaya Palî ra arêdaya zî na hûmare de ca gêna.

Şîîrê na hûmare yê Sitki Caney, Newzat Valêrî, Xecê, Sîyamend Mîrvanî, Rindo Sûr, W. K. Merdimîn, Hafiz Ehmed Turhalli, M. Mîrzanî, Gawanî Welatî û Remzûn Şargeyijî yê. Murad Aygunî zî yew şîîra Murathan Munganî tercume kerda û na hûmare de weşanaya.

Na xebere 2030 rey wanîyaya
No nuşte hema şîrove nêbîyo.