zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
17 Teşrîne 2012 Şeme 00:03

Hûmara 41. ya Newepelî Vejîya

Xebere: Zazakî.Net

Hûmara 41. ya rojnameyê safî kirdkî (zazakî) Newepelî vejîya.

Roportajê na hûmare, Seyîdxan Kurijî deyîrbaz Mehmed Akbaşî reyde kerdo. Mehmed Akbaş roportajê xo de dergûdila behsê cuya xo ya hunerî keno, bi awirê xo yê taybetî çarçewaya hunerî ra ewnîyeno meselayanê komelkî ra û vano “Mergê ciwano mergo helal nîyo. Hema zaf rew o.

Nuşteyê edîtorî de behsê têkilîya şarê ma û ziwanê dayîke beno. Bê ke tu şîroveyêk bikero na çarçewa de çar nimûneyanê muhîman dano têver.

Na hûmare de çar nuştoxî reya verên a ke Newepel de nusenê. Nuştoxanê neweyan ra Mehemed Çelîktenî bi fekê Şankuşî (Çüngüş) derheqê Şankuşî de yew nuşte nuşto û nameyê heme dewanê Şankuşî bi tirkî û kirdkî nuştê. Îsmet Bor û Ehmed Degerî Çewlîg ra di nuşteyê muhîmî ke xususîyetê şarê Çewlîgî sey di fotografan anê verê çimê merdimî nuştê. Ancî Adem Karakoçî yew nuşteyo realîst û mîzahî nuşto ke karakterê tayê merdiman wina xorîn ra nawneno.

Nînan ra teber Îdrîs Yazarî zî derheqê hepsîyanê ke girevê vêşanîye de yê de yew nuşteyo edebî-hunerî nuşto. Ancî Rohelat Aktulum, Hacer Petekkaya, M. Arîf Ayçiçek û Hesê Belê zî nuşteyî û şîîrê xo dayê weşanayîş. Nînan ra ancî xeberê muhîmî, nameyê nebatan, xaçepers û ferhengekî tede ca girewto.

Nê 41 hûmaran de nuştoxê ke reya verêne Newepel de dest bi nuştiş kerdo, hûmara înan 100 kesî ra vîyarte.

Newepelî biwanîn, bidîn wendiş. Bibîn abone, bidîn ciwînayîş.

Na xebere 3567 rey wanîyaya
ŞÎROVEYÎ
zaf spas...
mehemed çelîkten
Roşan abî, mi nûşteyê xo dî. Zaf kêfê mi ome ca
Ellah şima ra razî bo. zaf spas...
19 Teşrîne 2012 Dişeme 02:56