Hûmara 28. ya Newepelî Vejîya

Hûmara 28. ya rojnameyê Newepelî vejîya.

Na hûmare de roportajo ke C. Z. Pîranij û Zerrweş Xodî nuştoxe Bedrîye Topaç reyde kerdo bale anceno. Bedrîye Topaç, derheqê serebutê xo yê nuştoxîye de bi hawayêko edebî fikrê xo îfade kena. Vana: “Nuştiş eşq o. Gama ke wendoxan paştî da to, ti kî bi eşq nusena û hîsanê înan ra çekuyan bi zerrîya xo kena weye.”

Edîtor nuşteyê xo de behsê nuşteyanê nuştoxanê hepsîyan û muameleyê îdareyê hepsixaneyan keno.

Na hûmare de ancî nuştoxê ke reya verêne dest bi nuştiş kerdo estê. Nînan ra Serpîl Karişli û Dilo Bargiranî ra şîîrî ameyê weşaneyene.

Nînan ra teber, Yaşar Baluken, Murad Canşad, Nadîre G. Aldatmaz, Rohelat Aktulum, Zerîn Azrawa, Mistefa Gomayij û Îrfan Sîmserkîsijî her yewî yew nuşte nuşto. Ancî Adir Tilistoneyî yew şîîre nuşta, Alî Aydin Çîçekî zî yew şîîra Nazim Hîkmetî tercume kerda. Sewbîna zî gelek xeberê muhîmî rojname de estê.