Hûmara 14. ya Newepelî Vejîya

Na hûmara Newepelî de çîyo ke tewr zêde bala merdimî anceno, zêdeyîya nuşteyanê cinîyan o. Netîce Altun derheqê gêrayîşê xo yê Îranî de nuşto. No hamnan Netîce û yew embaza xo pîya şîyê Îran ra gêrayê û ameyê. Rindê Becerîklî derheqê veşayîşê rînga hepisxaneyî ke panc mehkumî Wan ra berdêne Îstanbul de nuşto. Rînge nêzdîyê şaristanê Qayserî de nişka ra veşaybî û her panc mehkumî zî bi hawayêko sosret tede merdbî. Nadîre G. Aldatmaz derheqê gêrayîşê xo yê Muzeya Şermî de nuşto. Bedrîye Topaç zî reyna bi yew nuşteyo edebî na hûmare de ca girewto.

Na hûmare de deyîra “Ehmedê Musayê Axon” ke tarîxê ma de wayîrê cayêkê muhîmî ya bi îzehet ca girewto. Nuşteyê edîtorî de bale ancîyena xortanê ma yê tezeyan ser ke bajaran de esrar şimenê. Murad Canşad nuşteyê xo yê bi sernameyê “Deyîrbaz”î de bi ziwanêko mîzahî hepisxane ra tîpolojîyêkê balkêşî nawneno. Îsmaîl Guven “medenîyet”î munaqeşe keno.

Nînan ra teber zî gelek xeberê muhîmî, fiqre, şîîr û xaçepers û çîyanê bînan ca girewto.

Merkezê ke rojname tede roşîyeno:

DÎYARBEKIR:

1 - Lise Cd. 2. Sk. Adalet apt. Kat: 1 No: 3 Yenişehir
2- Avesta Kitabevi: Ekinciler Cad. Nurlan Apt. Zemin Kat, Ofis

3- Avaşîn Kafe, Kuçeyê Hunerî, kîşta marketê Carrefourî, Ofis

4- Aydın Kitap Kırtasiye: Polis Loj. Karşısı, Mega Center Yanı, Bağlar

5- Ensar Kitabevi: Hasan Paşa Hanı, Dağkapı
6- Kafka Kitabevi: Lise caddesi (ZGL karşısı), Yenişehir

7- Bufeyê Rojnameroşan (Gazete Büfeleri): Berê Koyî (Dağkapı), Yenişehir, Ofis

8- Buroyê Nûbiharî

HÊNI (HANİ): Eğitim Kitap Kırtasiye, Hani

GÊL (EĞİL): Polat Kırtasiye

ÇEWLÎG (BİNGÖL): Bilgi Kitabevi