Google de Gêreyîşo Asan

Çîyê bînî

Nê kilmnuşteyanê taybetî ra teber Google de kî zaf-zaf fonksîyon û ûsulî seba melumatê her roje estê. Nînan ra tayê:

Hewa

Seba dîyayîşê rewşa hewayî ya tayê şaristananê girsan ê dinya, merdim tena nameyê hewayî bi îngilizkî (“weather”) ver de û dima nameyê şaristanî nuseno.

Wext

Seba dîyayîşê wextî yê welatan, merdim tena nameyê wextî bi îngilizkî (“time”) ver de û dima nameyê şaristanêk nuseno.

Hîsse

Seba dîyayîşê senedê hîsseyan, merdim tena kodê, yanî kilmnuşteyê hîsseyî nuseno û pê Google Financeyî ra şêno ey bivîno. Nimûneyêk seba hîsseyanê Googleyî (kilmnuşteyê hîsseyî: GOOG).

Spor

Seba dîyayîşê netîceyanê maçan yan çîyanê bînan ê sporî, merdim tena nameyê ekîbî Google de nuseno.

Makînaya Hesabî

Zereyê Googleyî de kî yew makînaya hesabî esta ke şêna bi ûsulanê basîtan hesab bikero (nimûne: komkerdiş, vetiş, reykîkerdiş, parekerdiş, kareyê ci reykîkerdiş ûsn.)

Diwîz

Seba dîyayîşê kûranê diwîzî merdim tena di kilmnuşteyê diwîzî pêverro nuseno, mîyan ra çekuya “in” (îngilizkî: de) nano ro û kûrê diwîzî gêno. No fonksîyon bi heme ziwanan nêbeno.

Kategorîyan ra gore cigêrayîş

Zafane, gama ke merdim ro çekuyêk gêreno, xeylê netîceyê bêfaydeyî vejîyênê meydan. Seba cigêrayîşê taybetî Google de beşa kategerorîyan esta, tede qismê sey ekonomî, sîyaset, huner ûsn. Merdim wina şêno goreyê kategorîyan bigêro. Cêr ra adresa beşa kategorîyanê Googleyî bi îngilizkî:

http://www.google.com/dirhp?hl=com