zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
12 Oktobre 2013 Şeme 16:17

“Fecîra” Antalya de Porteqala Zernêne Girewte

Xebere: Zazakî.Net

Festîvalê Porteqala Zernêne yê Fîlman yê Antalya yê 50. de yew fîlmê dokumanter yê kirdkî yewna fîlmî reyde pîya xelata yewine girewte.

Şaxê fîlmanê dokumanteran yê Festîvalê Porteqala Zernêne de fîlmê dokumanter yê Pîran Baydemîrî “Fecîra” fîlmê Bîrnûr Pîlavci “Tek Başına Dans”î reyde xelata yewine girewte. Merasîmê dayîşê xelatan de rejîsorê fîlmê Fecîra Pîran Baydemîrî sehne de verî bi kirdkî dima bi tirkî qisey kerd. Pîran Baydemirî va: “Ez ina xelata xo, Parîs de hîrê cinîyê ombazî qetl kerdî, a yow zî Sakîna Cansiz a, ja rê gêna, yowna zî şorişgerîya Rojawanî, jîn rê gêna.”

Babeta fîlmê Fecîra, rewşa Dêrsimî ya ewroyî ke tena xatirayê xemgînî yê terteleyê 1938î nîyê, eynî wext de tedaya ke bena, awbendê ke virazîyenê, ferdê aîleyan ke yewbînan ra aqitîyenê û tenya manenê,  fîlm wazeno bale bianco nê çîyan ser.

Rejîsorê fîlmî Pîran Baydemir 1984 de Dîyarbekir de ameyo dinya û 2007 ra nat Klubê Sînema yê Dîyarbekirî de, 2010 ra nat zî Beşê Sînema yê Konservatuwarê Cîgerxwînî de xebitîyeno.

Na xebere 1420 rey wanîyaya
No nuşte hema şîrove nêbîyo.