zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
02 Sibate 2011 Çarşeme 21:11

Dewleta Sûrîye Tersan ra Înternet Birna

Xebere: Zazakî.Net

Badê ke Tûnis de şar vera hukmatî de werişt payan û dima Misir de zî şarî dest bi numayîşan kerd, dewleta Sûrîye tersanê xo ra sey Misirî resayîşê bi tora înternetî da vindarnayene.

Goreyê malumatanê ke yenê dayene, dewleta Sûrîye roja 28.01.2011 de badê teştareyî seranserê welatî de resayîşê bi înternetî da vindarnayene. Seba ke numayîşê Misirî sîteya înternetî twitterî ser ra organîze bibîy, coka dewleta Misirî verî resayîşê bi na sîte da vindarnayene, dima zî resayîşê bi înternetî bin ra birna.

Îdareyê Bişar Esadî ke terseno eynî çî Sûrîye de zî bêro meydan coka Sûrîye de resayîşê bi înternetî da vindarnayene. Hetanî nika tu elametêk ke nîşan bido Sûrîye de numayîşî dest pêkenê meydan de çin o. La ajansî danê zanayene ke hêzê ewlakarîya Sûrîye dekewtê rewşa alarmî.

Na xebere 1410 rey wanîyaya
No nuşte hema şîrove nêbîyo.