zazaki.net
21 Teşrîne 2017 Sêşeme
Girdîya Karakteran : 12 Punto 14 Punto 16 Punto 18 Punto
23 Sibate 2012 Panşeme 10:55

Daşinasnayîşê Weqfa Îsmaîl Beşîkçî

Eke şima zî beşdar bibîn ma do keyfweş bîn. Bi heskerdiş û rêzdarîye.

Roja 26.02.2012, yewşeme (bazar)  saete 13.00 de, salona konferansî ya Şaredarîya Bajarê Girdî ya Dîyarbekirî de seba daşinasnayîşê Weqfa Îsmaîl Beşîkçî kombîyayîşêko umûmî virazîyeno.

 

Bi no munasebet desteyê îdareyê Weqfa Îsmaîl Beşîkçî yew dawetîye vila kerd.

 

Dawetîye de wina yeno vatiş:

 

“Ma awanbîyayîşê Weqfa Îsmaîl Beşîkçî, roja 07.01.2012 ke roja dayîkerabîyayîşê Îsmaîl Beşîkçî ya, bi beyanatêkê çapemenîye seba rayapêroyî eşkera kerdbi. Ma kombîyayîşê daşinasnayîşî o verên roja 14.01.2012 de Stokholm de, o diyin zî 18.02.2012 de Îstanbul de viraşt. Dîyarbekir de zî ma do roja 26 sibate 2012 Salona Konferansî ya Şaredarîya Bajarê Girdî yê Dîyarbekirî de kombîyayîşêk bikîn. Eke şima zî beşdar bibîn ma do keyfweş bîn. 

Bi heskerdiş û rêzdarîye.

DESTEYÊ ÎDAREYÎ YÊ

WEQFA ÎSMAÎL BEŞÎKÇÎ

 

Na xebere 1356 rey wanîyaya
No nuşte hema şîrove nêbîyo.