zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
31 Adare 2012 Şeme 10:19

Çewlîg de Panelê Edebîyatê Nuştekî yê Kirdkî

Xebere: Zazakî.Net

Panelê edebîyatê nuştekî yê kirdkî Çewlîg de virazîyeno. Panelê ke hetê komela Bîn-der û Firat-Derî ra organîze beno de Mehemed Malmîsanij, Mehmed Selîm Uzun û Roşan Lezgîn sey panelîst beşdar benê.

Panel 07.04.2012 de roja şeme saete 14:00 de Merkezê Kulturî yê Çewlîgî de dest pêkeno. Sernameyê qiseykerdişê Malmîsanijî “Averşîyayîşê Ziwanê Nuştişî û Edebîyatê Kirdkî”, yê Mehmed Selîm Uzunî “Edebîyatê Kirdkî de Mewlidî û Cayê Mewlidan” yê Roşan Lezgînî zî “Edebîyatê Modern yê Kirdkî” yo. Panel de derg û dila edebîyatê nuştekî yê kirdkî yeno munaqeşe kerdene.

Tîya ra ver zî, par roja 02.04.2011 de bi nameyê “Panelê Ziwanê Kirdan” Çewlîg de eynî salone de yew panel virazîyabi, Malmîsanij û Wisif Zozanî sey panelîst qisey kerdbî û bi seyan çewlîgijî beşdar bibî.

Hîna verê cû zî, 12.04.2009 de salona Otel Sarioglu ya Çewlîgî de Panelê Ehmedê Xasî virazîyabi, ancî Malmîsanij, Muhyedîn Mîyalanî û Melayê Kavarî sey panelîst beşdar bibî.  

_______________________________

Na xebere 1789 rey wanîyaya
No nuşte hema şîrove nêbîyo.