XEWNA MIN

Min dît îşev xewnek xweş

Sibê rabûm rûyê m’ geş

Min xew dît kurd bûbûn kurd

Kurdî jî kiribûn wird

Rojê sed car ez kurd im

Zimanê xwe bernadim

Sed carên din li sûkê

Dê bibêje vê bûkê

Sed caran dê binvîsim

Û bi kurdî ramîsim

Sed caran kurdîhez im

Pey zarê xwe dibezim

Li her derê bi kurdî

Qise bikim bi rindî

Dê nekim fedî ji zar

Weke sala çû û par

Weke xelk dijî bijîm

Serbilind ez jî bijîm

Bi jintî û van bûkan

Keç û kur û zarokan

Dê biaxêvim kurdî

Wek mi ji bavê xwe dî

Wirdên min bûne hezar

Nebe, hûn nekin nezar

Amed, 08.03.2019