zazaki.net
24 Teşrîne 2017 Îne

Wehdet Sîwanij / Nuştox

Çewlîg de Serekê Sindoqan Mela yê!

07 Hezîrane 2011 Sêşeme 00:01

Weçînayîşê serra 2002 ra pey Çewlîg de AKP (Partîya Averşîyayîş û Edaletî) ra vêşîr tu partî nêşa yew parlameter veco. Her weçînayîş ra pey AKP rayî xo hebîna zêde kerdî. AKP Çewlîg de her di weçînayîşanê peyênan de se ra hewtay ra zêdeyêr ray girewtî û rekorê Tirkîya şikit. Hîre wekîlê Çewlîgî estî, her hîrê zî di weçînayîşan de partîya AKP ra vecîyayî.

Nê weçînayîşê emserî de wina aseno ke rayê AKP zaf kêmîyayê. Vatişan gore na rey namzetê bloqê kede, azadî û demokrasî Dr. Îdrîs Baluken kesîn vecîno. No semed ra AKP weçînayîşo peyên de pêro hêvîya xo melayanê kadroyîyan ra besta. Yanî, AKP emser yewna îcado newe veto, melayan rê yew karo newe dîyo! Xora serekwezîrê Tirkîya kerrayê pêşa xo pêro rijnay erd û va “meselaya kurdan çin a!” Fikrê xo yo heqîqî bi no hawa eşkera kerd.  

Çend rojan ra pey, 12ê hezîrane de weçînayîş o. Na politikaya qilêrin û gemare pêroyê welatî de ameya ramitiş. Labelê ez wazena baxusus derûdorê Çewlîgî ra besh bikero.

Çewlîg ra yew embazî çend rojî verê mi rê yew mektub şawitbi. No embaz vano “roja 15.04.2011 de şubeyê perwerdeyê netewîyê (milli eğitim şubesi) Dara Hênî de kombîyayîşê maliman de ma 40 maliman seba serekîya sindoqan muracat kerd. Mudirê şubeyê perwerdeyê netewî na lîsteya nameyan şawit bi heyetê weçînayîşê qeza (ilçe seçim kurulu) rê. Yew aşme ra pey roja 13.05.2011 de wexto ke ma kombîyayîşo bîn de ameyî têhet, mudirê şubeyî va, ‘heyetê weçînayîşê qeza na lîsteya malimanê ma ra tena panc hebî cinîyê serepişteyî (mexmelinî) girewtê.’ Va, şubeyê weçînayîşî vano ke talîmat o yo ke weçînayîşê emserî de memurê sindoqan, eke mumkin bo, gereka pêro melayê kadroyî bê.”

Çîyo entîke yo! Yanî tarîxê Tirkîya de reya verîn a ke melayê camîyan benê serekê sindoqanê weçînayîşî. Yew melayo ke şar bawerîya xo pênêyaro û dima nimac nêkero, senî îtîmat keno şîro raya xo bierzo sindoqa ke o mela ha ser o vinderte yo. Çunkî bîyo eşkera ke ê melayî seba Homayî nê, seba Teyîbî xebitênê.

Problemê diyin û muhîm zî selametîya sindoqan a. Dewleta tirkan timûtim vana, BDP (Partîya Demokrasî û Aştî) dewan û şaristananê Kurdistanî de pê şîdet û cebrî rayan gêna. Labelê heto bîn ra qeraqolê mintiqa, baxusus qereqolê beldeya Sîyerbê û korucîyî, dewan de kamo ke binêyke xebera înan vîyarena, tesîrê înan şarî ser o esto benê qereqol û sey nesîhetî tehdîd kenî! Vanî, şima se kenî bikerî, wa BDP û namzetê xoserî rê ray nêşîrî.

Birastî weçînayîşo neheq û bêedalet, na xebata dewlete ra bellî yo. Epey yew mude yo dewlete vana ma nêşenî asayîşê nê sindoqan bigêrî, no rid ra her dewe de sindoqî nêronîyenê. Eke yew dewe de sindoqî ronîyayî, dewijê panc-şeş hebî dewan şinî a dewe de raya xo danî. Ama na rey zî sewbîna problemî vecînî. Mesela, kam namzet û partîyê ke rewşa înan a madî başe bo, wesayîtan kîra kenî, pê nê wesayîtan dewan ra camêrdan kirêşenî sindoqan ser. Nê camêrdî her yew panc-şeş hebî rayan erzenî. Çunkî hîç yew dewe ra tek yew cinî nêşina sewbîna dewe de ray nêdana. Yanî her dewe ra çend hebî camêrdî şinî sindoqan ser, pêroyê rayan danî û yenî.

Weçînayîşê 2007û de partîya CHP dewanê Çewlîgî de roja weçînayîşî wesayîtî kîra kerdbî, pê nê wesayîtan dewijî kirîştinî sindoqan ser. Leşker û korucîyan, hewna zî nêverda kes rayan bido CHP. Zafê cayan de pêroyê rayan eşkera day bi AKP. Badê weçînayîşî namzet û rêveberanê CHP lomey kerdî, va ma pê otobusan dewan ra dewijî kirîştî sindoqan ser, înan rayê xo dayî AKP. Yanî leşker û korucîyan nêverda kes ray bido CHP. Seke aseno, goreyê xeberanê ke welat ra yenî, nê weçînayîşî de zî namzetê AKP yo sîyerbêyîj Eşê Hecî Hec (Eşref Taş) korucîyê Sîyerbê seferber kerdê, vistê dewanê Sîwanî, pê tehdîd û tersnayîşî dewijan ra ray wazeno.

Yewna problemo muhîm zî leşker û korucî selametîya sindoqan ra mesul î. La des serran ra zêde yo ke şîdet û tahdaya leşker û korucîyan ver dewijan el-eman kerdo. Dewijî wexto ke înan sindoqan ser o vînenî, seba ke maruzê şîdetê înan nêmanî, raya xo eşkera danî partîya îqtîdarî.

Eke namzetê Çewlîgî yo xoser wayîrê sindoqan û rayanê xo nêvecîyo, ez tersena dewanê Çewlîgî ra nêeşko yew raya teke zî bigîro. Hetanî nika bê melayanê kadroyîyan her kes AKP rê xebitîyaynî. No weçînayîş de êdî melayê kadroyî

No nuşte 1584 rey wanîyayo
ŞÎROVEYÎ
serat
Serat
Brem tı wun niyet tu cıtaw willay niyetmii niyet hol fekat ina yo cevap nise era tepa me tersen taye şımara pers...

Brem re re wun ma bine bun ma teya bunes şımara feketa ma vunen yazın sumanra ma taye fem niken ma xehriyen...

Tı vun şı bimus tı o zemun fem ken fekat u xu zun nizun bayemız zeme kısunxerdun pirikmiz o zemun yı mar yanlis musne ina zazaki...

Tı rençberra besken o zemun tı çoligij fekat kusur men ına zazakiyetu zazaki coliguju na :(

Hol bun xu ... Alla rayetu raştık
10 Hezîrane 2011 Îne 13:09
Serat, to xo ra tiway fehm kerdo?!
Çewlîgij
Serat,
Ez sere de vajî, ti samîmî nîyî! Nîyetê to qet hol nîyo.
Wexto ke merdim samîmî nêbo, nîyetê merdimî zî xirab bo, hesabê merdimî nêro, merdim fehm nêkeno.
Ti vanî “Brem zazakimi zaf hol nia” û ti qalanê zaf girdan, qalanê wişkan vanî.
Ti vanî, “Şıma alfabe Vate'ya ,Zazun dersimijun ra kalun xu ken”
Serat!
Alfabeya Vateyî çin a. Alfabeya Kurdan esta! No nuşte bi Alfabeya Kurdan nusîyayo.
Ê diyin, qalê zazayanê Dêrsimî no nuşte de çin ê.
Nuştox bi xo çewlîgij o, dêrsimij nîyo.
Eke bi qalanê dêrsimijan binuso zî, dêrsimijî dişmenî nîyê.
Qey bi qalanê dêrsimijan binuso, gune vareno?
Serat,
Verê verkan însan be, merdim be.
Eke zazakîya toz af hol nîya, xo rê biwane, bimuse.
Rencber Ezîzî vato se? Vato, “Biperse, bimuse. Biwane, binuse!”
Ezber ra qisey meke, birayê mi.
Ti vanî “İn yazun şımun ra yı [dêrsimî] fem ken fekat çoligij ta ye tıra fem niken”
Eke raşt a, eke ti zurî nêkenî, to dêrsimijan ra persayo ke dêrsimijî ma ra fehm kenê û çewligijî fehm nêkenî?
Dê vaje! To key û kamî ra persayo?
Ti senî zanî ke “in yazun [nuşteyanê] ma ra yı [dêrsimî] fem ken fekat çoligij ta ye tıra fem niken?”
Hewna ti vanî “Ma seni zaze şıma seni çoligij mı tıra taye fem nike :(”
Gelo to xo ra tiway fehm kerdo?
Ez vana qey to xo ra zî tiway fehm nêkerdo.
Biney xo ra fehm bike hema qisey bike….
08 Hezîrane 2011 Çarşeme 12:24
Çolig
Serat
Brem zazakimi zaf hol nia fekat ez çoligra wa ama ma in yazi şıma wunen ma taye tıra fem niken... Şıma şin e naz alfabe Vate'ya ,Zazun dersimijun ra kalun xu ken... İn yazun şımun ra yı fem ken fekat çoligij ta ye tıra fem niken... Ma seni zaze şıma seni çoligij mı tıra taye fem nike :(
08 Hezîrane 2011 Çarşeme 09:21