Badê Bermekîyan Nalîya Şaîrêk
Dewleta Ebasîyan badê ke resena dewrê xwu yê tewr xurtî, demê seltenetê Harûn Reşîdî de, fermanê Bermekîyanê ke estûnê îqtîdarê înan bî vejena. Bermekîyan qir kenê. Hem Bermekîyan qir kenê, hem zî ferman vejenê ke derheqê înan de kes qisey nêkero. Kam ke Bermekîyan ser o kilame, şiîre yan başî ser çiyêk vajo ceza kenê. La şarî Bermekîyan ra hende hes kerdo, goş nêdayo qedexe û cezayê xelîfe Harûn Reşîdî. Mesela, qirkerdişê Bermekîyan ser o şaîrêk o wext dejê xwu bi şiîre îfade kerdo. Ena şiîre bi seserran ameya vatiş. Dima, erebkî ra tadîyaya almankî û kitabê “Rosa Klinke, Der Saenger Der Barmekiden, Aehren Verlag Affolten a. A. 1955 r. 37” de weşanîyaya. Mi almankî ra tada kirdkî ser:
Estareyê esaletî bi vindî şi
Destê ke xêr kerdêne peysîya
Deryayê desthîrayî xwu peyser ant
Wexto ke Bermekî ena dinya ra şî
Estareyo ke çolistano xir û xalî de
Serkarwanî rê rêberî kerdêne
Êdî bi aramî nêberiqîyeno ufûq de
_____
Not: Seba rastkerdişê metnî û şiîre, ez Roşan Lezgîn û Mahîr Doganî rê sipas kena.
Türkçe karakter kullanılmayan ve büyük harflerle yazılmış yorumlar onaylanmamaktadır.