Weçînayîşan de Propagandaya bi Kurdkî Serbest a

Tirkîya de êdî propagandaya weçînayîşan de do propagandaya bi kurdkî serbest bo. Seke yeno zanayene emser 12ê hezîrane de weçînayîşê umûmî yê parlamenterîye virazîyêno. Weçînayîşan de êdî propagandaya bi kurdkî serbest a.

Reya verêne nê weçînayîşî de êdî sindoqê texteyênî zî wedarîyênê û herinda înan de sindoqê plastîkê şefafî ke vera şikitiş û veşayîşî pêt ê do ca bigîrê. Verinîya sindoqan 40, dergîye 55 û berzîye zî 50 cm yo. Tîya ra pey weçînayîşan de kabînê raydayîşî zî do bibedilîyo. Verinîya kabînan do 120, dergîye 120 û berzîye zî 180 cm bo.

Weçînayîşanê verênan de badê ke roj bişîyêne awan êdî demeyê propaganda qedêyayêne. La goreyê qanûnê neweyî ra, tîya ra pey hetanî di saetî badê awanbîyayîşê rojî zî do propagandaya weçînayîşî bêro kerdene.