Unîversîteyêkê DYA de Dersê Kurmanckî

Unîversîteya Middle Tennessee State ya Dewletanê Yewbîyayanê Amerîka (DYA) payîzê 2010î ra pey kursê ziwanê kurdkî zî gêna mîyanê programê xo yê kursan.

Asîstanê Unîversîteya Middle Tennessee State profesor Kari Nelly vano, ma derheqê kursê kurdkî de piştgirîya kurdanê ke Tennessee de ronişenê zî girewt û ma nika ra dest pêkerdo sinifan virazenê.

Dîrektorîya kursan Unîversîteya Exeter ya Îngilîstanî ra Deniz Ekici do bikero. Deniz Ekici çarçewaya kursan de do lehçeya kurmanckî ya kurdkî bimusno kursîyeran.

DYA de kurdî tewr zêde eyaleta Tennessee de manenê. Şaristanê Nashville yê na eyalete de 14 hezarî kurdî ciwîyênê.