Unîversîteya Cematê Fetulah Gulenî Hewlêr de

Hewlêr de bingeyê “Işık Üniversitesi” ronîya.

Cematê Fetulah Gulenî ke bi nameyê “Fezalar Şirketi” Kurdîstanê Başûrî de warê perwerdeyî de fealîyet de yo, Hewlêr de bingeyê unîversîteya bi nameyê “Işık Üniversitesi” rona.

Merasîmê ronayîşê bingehê unîversîte de wezîrê Wendişê Berzî û Cigêrayîşanê Zanistîyan Dilawer Evdilezîz, wezîrê Perdeyî Sefîn Muhsîn Dizeyî, wezîrê Elektrîkî Yasîn Şêx Ebûbekir, wezîrê Pîşesazî û Bazirganîye Sînan Evdilxaliq û gelêk parlamenter û karbidestê bînî yê hukmatê Kurdîstanê Başûrî amade bîy.

Hetanî nika Hewlêr, Silêmanîye û Kerkûk de des tene wendegehê pitikan (anaokulu), wendegehê perwerdeyê destpêkî (ilköğretim) û lîse hetê nê cematî ra abîyê. Na unîversîte bena wendegehê yewendesine ke hetê cematê Fetulah Gulenî ra Kurdîstanê Başûrî de abeno.

Unîversîteya Işiqî de çar fakulteyî, yanî fakulteya hekîmîya didanan, fakulteya muhendîsîye, fakulteya zanistîya îdarî û îqtîsadî û fakulteya perwerdeyî estê.