Roşanê Şima Bimbarek Bo…

Êr ruaşûn o

Gaw’ belek têşûn o

Dîk mîyerdê xala Eyşûn o

Ruaşûn şima bimbarek bo

Nê vateyê rindekî, yewî bi mesaj telefonê min ê destan rê şawitê. Muhaqeq mi şinasneno coka bi nê vateyanê rindekan roşanê mi bimbarek kerdo. La mi nêvet kam o. Rîyê mi nêgirewt ez telefon akerî vajî ti kam î. Coka ez tîya de weşanena ke wa mîyanê şarê ma de vila bibê. Ez ey yan aye rê zî zaf sipas kena.

Bi nê munasebetî ez zî roşanê heme nas û dostan, heval û hogiran, xaseten zî roşanê nê embazî yan zî embaze bimbarek kena.

Birastî kulturê ma de vateyê nê qaydeyî zaf estê. La seba ke edetê ma, kulturê ma vera-vera vilişîyenê; ma terkê ziwanê xo kenê, coka nê vateyê ma, edetê ma zî mîyanê ma ra wedarîyenê, benê vîndî. Zaf heyf!