Rojê Edebîyatî yê Bakur-Rojawanî Qedîyayî

Rojê Edebîyatî yê Bakur û Rojawanê Kurdîstanî ke şaristanê Kurdîstanê Başûrî Duhok de hîrê rojî dewam kerd, temam bî.

Rojê edebîyatî rojanê 7-9.11.2013 de salona konferansî ya banê Komeleya Nuştoxan Şaxê Duhokî de organîze bîyî û her çar parçeyanê Kurdîstanî ra gelêk edîb û nuştox û roşnvîrê kurdî beşdar bîyî. Edîb û roşnvîranê Bakur û Rojawanî derheqê edebîyatê kurdî de teblîxî pêşkêş kerdî û şîîrî wendî. Yê bînî se temaşakar beşdar bîyî.

Destpêkê çalakîye de cagirewtoxê serwezîrê hukmatê Kurdîstanê Başûrî û cagirewtoxê walîyê Duhokî zî beşdar bîyî û akerdişê rojanê edebîyatî de qisey kerd. Ancî şarê Duhokî û çapemenîya Kurdîstanê Başûrî, bitaybetî zî çapemenîya Duhokî eleqeyêko germ nîşan da.

Roja peyêne ya Rojanê Edebîyatî de Komeleya Nuştoxan Şaxê Duhokî xelatê vîrardişî dayî beşdaranê ke Bakur û Rojawan ra yê. Grûba ke Kurdîstanê Bakurî ra beşdar bîye, roja 10.11.1013 de agêra bi Bakur.