Îran Ajansa Xeberan ya bi Kurdkî Akeno

Goreyê xebera ke PUKmedia dana zanayene, wezaretê kulturî yê Îranî do ajansêka xeberan ya bi kurdkî saz bikero û rojnameyêkê rojane yê bi kurdkî biweşano. Merkezê ajanse do şaristanê Sine yê Kurdîstanê Rojhelatî de bo.

Berpirsîyarê pêroyî yê çapemenîye yê wezaretê kulturî yê Îranî Qazîzade gama ke beşdarê festîvala çapemenîye ya Sine bîyo, vato, ma do yew ajansa xeberan ya bi kurdkî saz bikerin û yew zî rojnameyê rojane yê bi kurdkî biweşanin.

Goreyê malumatê ke rojnameger Necdet Rehîmî dayê ajansa PUKmedia, berpirsîyarê pêroyî yê çapemenîye Qazîzadeyî vato ma do yew ajansêka ke bi kurdkî weşane kena û her çar parçeyanê Kurdîstanî ra xeberan vila kena saz bikerin. Nameyê ajanse do Kurd Press bo la nameyê rojnameyî hîna bellî nîyo. Heto bîn ra, ajanse û rojname do key dest bi xebate bikerê zî hîna bellî nîyo