Perwerdeyê 20 Wendekaranê Lîsansê Berzî Dest Pêkerd

Unîversîteya Artuklu ya Mêrdînî de programê Ziwan û Kulturê Kurdan yê Enstîtuya Ziwananê ke Tirkîya de Ciwîyênê de seba lîsansê berzî 20 wendekaran dest bi perwerdeyî kerd.

Goreyê malumatanê ke mudirê Enstîtuya Ziwananê ke Tirkîya de Ciwîyênê Prof. Dr. Qedrî Yildirimî day, 35ê înan cinî 200ê înan camêrd pêropîya 235 kesan seba lîsansê berzî yê kurdkî muracat kerdo. Mîyanê nînan ra 20 kesî seba lîsansê berzî ameyê qebul kerdene. Nê 20 kesan ra 4 kesî lehçeya kirmanckî (zazakî) de, 16 kesî zî lehçeya kurmanckî de lîsanso berz kenê.

Perwerdeyê wendekaran roja 12.10.2010 de, dersa verêne Medreseyê Zincîrîye yê Mêrdînî de dest pêkerd. Wendekarê lîsansê berzî do di serrî perwerde bivînê.