Newroze Pîroz bo

Mewsim seba wisarî xo bi hîrê rengan xemelneno. Mewsim mijdîyana cuye dano hard û asmênî. Cuye serewedartiş der a. Gan gineno herre ro, gan gineno asmên ro, gan gineno şaranê dinya ro. Deyîrê pêrodayenê ginenê lewan ro. Vilî ruwenê zerrîyan de. Êdî zerrîyan de eşq qesey keno. Hukmê şewe qedîno û şewdir dest pêkeno. Dinya rojhelatî ser çerexîna. Aşme û estareyî rojhelatî ser de reqeşînê. Tîje rojhelatî ser de bena berz û roştîya xo dîyarî kena.

Kurdî!

Tornê Kawayî!

Domanê adirî!

Adirê xo ra asin pewjenê. Xo bi adir şuwenê. Gan danê asinî. Rojhelatî ser de adirê bimbarekî benê berz. Adirê Newroze asin ra awe cêno. Adirê Newroze kesk, zerd û sûr ra weye beno. Adir govende cêno.

Vengê hêvîye beno berz şaristanan ser de.

Vengê haştîye û birayîye…

Roşanê şarê ma bimbarek bo.

Hewtemalê şarê ma bimbarek bo.

Newroze bimbarek bo.