Mijdîyane: NEWEPEL Vejîya

Rojnameyo kulturî yo pancêsroje ke Dîyarbekir de hetê Komela Ziwan Huner û Kulturî ZIWAN-KOMî ra yeno weşanayene vejîya.

Rojnameyê NEWEPELî safî bi kirmanckî (kirdkî, zazakî, dimilkî) vejîyeno û heşt rîpelî yo. Amadekarî fikirênê ke dima hem rîpelan bizîyadnê hem zî hewte de reyêk vejê. 

Berpirsiyarê komela ZIWAN-KOMî wazenê bi hawayê temsîlkar, belavkerdox û aboneyîye rojnameyî vila bikerê. Kesê ke nê wareyî de wazenê eleqedar bibê, şênê adresa [email protected] rê binusê. Hewna, derheqê rojnameyî de malumatanê rojaneyan zî şênê lînkê https://www.zazaki.net/html_page.php?page=newepel ra rojane taqîb bikerê.

Roja 15 adare 2011 ra pey Dîyarbekir de, sere de hem buroyê Vateyî û kitabxaneyê Avesta de hem zî zafê kitabroşan û cayanê merkezîyan de bufeyanê rojnameroşan de rojname yeno rotene.

Rojanê vernîya ma de zî do zafê qeza û şaristananê kirdan de rojnameroş û kitabroşan de bêro peyda kerdene.