Mehkemeya Îsmaîl Beşîkçî 12ê Aşme de ya

Sosyolog Îsmaîl Beşîkçî roja 12.11.2010, saete 09.30 de, Edlîyeya Beşîktaşî ya Îstanbulî, Mehkemeya 11. ya Cezaya Girane ya Îstanbulî de mehkeme beno.

Kurdperwerê ke îmkanê înan esto, ma hêvîdar ê ke a roje mehkeme de Îsmaîl Beşîkçî tena nêverdê, seba paiştgirîye beşdarê mehkeme bibê.

Seke yeno zanayene, semedo ke Îsmaîl Beşîkçî nuşteyê xo yê bi sernameyê “Heqê tayînkerdişê îstîqbalê neteweyan û kurdî” ke kovara Çagimizda Toplum ve Hukuk de weşanîyabî de vato “Kurdî bîy 200 serrî ke seba azadî, seba welatêkê azadî mucadele kenê, bedêl danê… Sûrîye, Îran û Tirkîya kurdan bi zordarîye îdare kenê. Vera prosesê na zordarî û zulmî de mucadeleyê kurdan heqêko meşrû yo.” coka derheqê Îsmaîl Beşîkçî û mudira karê nuştişî ya kovara Çagimizda Toplum ve Hukuk Zeycan Balci de bi sedemê ke înan progandaya terorî kerda Mehkemeya 11. ya Cezaya Girane ya Îstanbulî de mehkeme abîya û înan rê heşt serrî û nêm ceza yena waştene.

Reya verêne, roja 28.07.2010 de mehkeme virazîyabî, na reya dîyin a ke mehkeme dewam kena.