Hûmara 62. ya Newepelî Vejîya

Roportajê na hûmare Alî Aydin Çîçekî Alî Beytaşî reyde kerdo. Alî Beytaş roportajê xo de behsê muhîmîya edebîyatî seba miletî keno.

Feyza Adabeyî, Şeyda Asmîn û Muhamed Deza Baturî nuşteyê edebî nuştê. Mihanî Licokicî bi yew şîîre rojname xemilnayo. Serdar Bedirxanî kitabî dayê şinasnayîş. Uzcan Yilmazî yew meselaya folklorîke, Şahîn Kurkçu yew sanike daya arê. Sevîm Aydin mîyanê şarê ma ra tayê bawerî dayê arê. Nadîre Guntaş Aldatmaz sey hûmara verêne tarîfê werdêk nuşto. Yucel Eşsizoğluyî yew deyîre arê daya. Ehmedê Dirihî sey hûmaranê verênan nebatan û Roşan Lezgînî zî yew kay dayo şinasnayîş. Nê nuştoxan ra Feyza Adabeyî û Uzcan Yilmaz reya verên a ke Newepel de nusenê. Nînan ra teber xeberî, xaçepers û ferhengek na hûmare de ca gênê.

Newepel biwanîn, bidîn wendiş.