Hûmara 5. ya Şewçila Vejîya

Hûmara 5. ya kovara edebî hunerî Şewçila vejîya.

Na hûmare de eserê ke hetê cinîyan ra ameyê nuştiş bale ancenê. Û her ke şino nesrê kirdkî zêdîyeno, coka na hûmara Şewçila de nesr hîna vêşî yo, bitaybetî hîkayeyî tede estê.

Edîtorê kovare nuşteyê xo de vano “ziwanê ke qonaxê fekkî ra newe vîyarenê qonaxê nuştekî ser, hîkaye û nesrê kilmekî zaf muhîm ê. Coka ez bi zerrîyêka rehete vana ke prosesê ma yê nuştişî bi hawayêko tendurist û rast aver şino.”

Na hûmare de nuşte û şîîrê nê nuştoxan weşanîyayê: Adir Dêrsimij, Alî Aydin Çîçek, Alî Beytaş, Bedrîye Topaç, Ehmed Arif, Erkan Tekîn, Esad Namdar, Ferat Roşna, Îdrîs Yazar, Lezgîn Gozen, Menaf Mutlu, Nadîre G. Aldatmaz, Newzat Valêrî, Osman Tetîk, Rindê Becerîklî, Rohelat Aktulum, Roşan Lezgîn, Sînan Sutpak, Şeyda Asmîn, Umer Faruq Ersoz û Wisiv Pîrbab.

Seba domkerdişê weşana kovara edebî hunerî Şewçila bibe abone. Şewçila roşnayîya huner edebîyatê ma ya.

Têkilî: [email protected] & [email protected]