Gagauzkî zî Dekewte Mîyanê Ziwananê ke do Vîndî Bibê

Rêxistina Perwerde, Zanist û Hunerî ya Yewîya Miletan (UNESCO) da zanayene ke gagauzkî zî dekewta mîyanê ziwananê ke do vîndî bibê.

UNESCOyî gagauzkî dekerde mîyanê atlasê înteraktîfî yê “ziwanê dinya ke binê tehlukeyê vîndîbîyene de yê”.

Gagauzkî Moldova û Ukrayna de hetê 180 hezar kesî ra yena qisey kerdene la hewna zî ver bi vîndîbîyene şina. Di lehçeyê bingehînî yê gagauzkî estê. Nînan ra yewe lehçeya çadir lunga komrat û ya bîne lehçeya vulkaneştî ya. La nînan ra teber zî çend lehçeyê têmîyanekî yê bînî zî estê.