Fîlmê Laleşî Ancîyêno

Kurdîstanê Başûrî de fîlmê dokumenter yê îbadetxaneyê kurdanê êzidîyan Laleşî ancîyêno. Fîlm hetê wezaretê kultur û gencan yê hukmatê Kurdîstanê Başûrî ra yeno fînanse kerdene. Nameyê fîlmê dokumanterî “Laleş Perestgeha Êzidîyan e” yo û senarîstê fîlmî Tenya Kerîm a.

Tenya Kerîm derheqê muhtewaya fîlmî de va, “Fîlm de behsê destpêkê awanbîyayîşê Laleşî û dînê êzidîtîye yeno kerdene. Û fîlm de behsê urf û edetanê êzidîyan zî beno. Fîlm de roşanê êzidîyan zî dîyenê şinasnayene.”

Fîlmê “Laleş Perestgeha Êzidîyan e” dorê 40-45 deqayan o, nika merheleyê montajî de yo. Tenya Kerîm vana, eke fîlm temam bibo, ma seba festîvalanê fîlman yê cîhanî şawenê û ma wazenê eynî wext de heme kanalanê kurdan de bêro nîşan dayene.