Ewropa 2.5 Mîlyar Euroyî Zerar Kerd

Komîsyonê Yewîyîya Ewropa beyan kerd ke sektorê hewagêrîya Ewropa ser o faturaya zerarê volkanê Îzlanda dorê di mîlyar û nêm euroyî de ya.

Muawinê serekê berpirsîyar yê neqlîyatî yê Komîsyonê Yewîyîya Ewropa Siim Kalasî va, volkanê koyê Eyyafyallayokull ke Îzlanda de roja 14ê nîsane de kewt fealîyet û hetanî roja 21ê nîsane, se hezar ra vêşêr seferê firokeyan û seyahetê des mîlyonî merdiman amey betal kerdene. No mudet de sektorê hewagêrîye mîlyar û nêm ra hetanî di mîlyar nêm euro zerar kerd. Siim Kalasî waşt, bê ke reqabetê mîyanê dewletanê endaman bêro îhlalkerdene, destûr bêro dayene ke zerarê sektorê hewagêrîye tezmîn bibo û tayê alternatîfê sey bi faîzêko kêmî kredî bêro dayene û qismêkê deynê sektorê hewagêrîye bêro texîr kerdene pêşkêşê nê sektorî bibê.

Semedê ke hewrê wele yê volkanê Îzlanda asmênê Ewropa ser o vîla bibi, tam hewteyêk firokeyî nêşay Ewropa de bifirrê. Coka heme şîrketanê hewagêrîye yê Ewropa beyanat da ke înan di mîlyarî euro ra vêşêr zerar kerdo.