36 Dewê Kurdîstanê Başûrî Wêran Bîyê

Mîyanê di serranê peyênan de 36 dewê mintiqaya Qendîlî ya Kurdîstanê Başûrî wêran bîyê.

Goreyê îstatîstîkanê rêxistina ANH, mîyanê di serranê peyênan de rîyê êrîşanê Tirkîya û Îranî ra 36 dewê mintiqaya Qendîlî ya Kurdîstanê Başûrî veng bîyê û dewijan bar kerdo şîyê hetê qezaya Pîşder û Balekatîye.

Goreyê îstatîstîkanê eynî rêxistine ra, nika zî 24 dewê bînî yê mintiqaya Qendîlî bîyê armancê êrîşanê frokeyanê Tirkîya û topeştoxanê Îranî. Nê 24 dewan de 3 dewijî merdê 4 zî birîndar bîyê, 1000 sereyî ra vêşêr heywanî û 140 kuwarîyê hingan zî telef bîyê.

Êrîşan û bombardûmananê hewayî yê Tirkîya û Îranî ra pey şarê mintiqa de nêweşîyê sey dejê çiman û nêweşîyê zereyî bi hawayêko cidî zêde bîyê.