zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
09 Kanûne 2012 Yewşeme 01:43

Yeklo Diklo

Arêkerdox: Rohelat Aktulum

“Yeklo Diklo” kayêkê zimistanî yo. Şewanê serdanê zimistanî de kay beno.

No kay zaf kesan reyde kay beno. Her kes yeno têhet û yew çember virazeno. Her kaykerdox destanê xo akeno, erdî ser o roneno û engiştanê xo akeno. Tepîya yew kes vîjnenê ke wa vateyê nê kayî vajo.

Wexto ke o kes zî ame vîjnayîş, kay dest pêkeno. Keso ke ameyo vîjnayîş vano:

“Yeklo diklo di mazî

Şimşîr qûto lepazî

Îçî-mîçî boyaxçî

Qerna qotik fispirçî”

 

No vate hece-hece vajîyeno yanî wina:

“Yek-lo dik-lo di ma-zî

Şim-şîr qû-to le-pa-zî

Î-çî mî-çî bo-yax-çî

Qer-na qo-tik fis-pir-çî”

 

Her hece de keso ke ameyo vîjnayîş, engişta xo yew engişte ser o roneno. Wexto ke vate qedîya, kamcîn engişte ser o mend, o kes engişta xo keno binê destê xo. Kay bi no qayde dewam keno.

Wexto ke kay qedîya tena yew engişte manena. A engişte ê kamî bo, o kes kay de yewin beno.*

________

* No kay mintiqaya Pîranî de kay beno û “Newepel, Rojnameyo kulturî yo 15 roje, Hûmare 31, Dîyarbekir 16-31 gezîrane, r. 8” de weşanîyayo.

 

Na xebere 7328 rey wanîyaya
ŞÎROVEYÎ
Hêşdar
Abdülsemet Esmer
Hêçê mêçê helawçî.Qala qutik fis bê çî.
10 Oktobre 2017 Sêşeme 18:43
Hêşdar
Abdülsemet Esmer
Zonayîş ko ez zonu"Hêçê mêçê helawçÎ" ya
10 Oktobre 2017 Sêşeme 18:38