zazaki.net
20 Temmuze 2019 Şeme
Girdîya Karakteran : 12 Punto 14 Punto 16 Punto 18 Punto
18 Teşrîne 2018 Yewşeme 10:29

Folklorê ma ra çar nimûneyî

Arêkerdox: Roşan Lezgîn

Ma vajin ke mabeynê di kesan de dehkera vejyaya la neheq xwu heqdar vejeno. Heto bîn ci ra vano:

- Keko, bira

Ma amey dare bin ra

To ra vejya, neke mi ra!

* * *

Hetê hesabkerdişî ra seba ke zêhnê merdimî abo, pers kenê:

-Ma, qasê ma, nîmeyê ma, nîmtirê ma, ti zî bêrê ser, ma benê se temam. De vaje, "ma" çend kes ê?

* * *

Seba ke merdim bieşko bibo wayirê ê qabilîyetî ke rewşanê tengan de hişê xwu bişixulno û mesele hel bikero, ena perse persenê:

Verg, mêşine û patîlê vaşî hê naverê çemî de, ti wazenê înan viyarnê wever. Labelê eke verg firsend bivîno mêşine weno, mêşine firsend bivîno vaşî wena. Ti gereka firsend nêdê verg mêşine biwero, mêşine zî vaş biwero. Ti înan senî viyarnenê weverê çemî?  

* * *

Eno vate zî seba ke ziwanê merdimî abo û bieşko çekuyan weş telafuz bikero yeno vatiş.

Hîrê rey pêser o û lez vaje: “Sêşeme ra sêşeme, vîst û şeş sêşemeyî.

_________

Not: Mi enê herê çar nimûneyê folklorê ma roja 06.11.2018 de dewa Dêrcimte ya Licê ra fekê hecî Feyzîyê (biyayiş: 1951) Ahmedê ap Îsî ra arêdayî.

Na xebere 702 rey wanîyaya
No nuşte hema şîrove nêbîyo.