Weşanxaneyê Roşna ra Di Kitabî Vejîyayî

Weşanxaneyê Roşna ra sey destpêkê serra 2020î di kitabî vejîyayî. Bi eno qeyde, heta nika 58 bi kirdkî, 5 bi kurmancî û 2 zî tirkî pêro piya benê 65 kitabê 42 nuştoxan ke Weşanxaneyê Roşna ra weşanîyenê. Zafê nuştoxan zî reya verîne rojnameyê Newepelî, kovara Şewçila yan zî keyepelê Zazakî.Net de dest bi nuştiş kerdbi.

Kitabo verîn, bi nameyê Xezala Koyê Bîngolî yê Wusênê Gestemerdeyî yo. Kitab de, temayanê ciyayan de 63 şiîrî estê. Eno kitabê verîn yê nuştoxî yo.

Kitabo diyin, kirdkî ra seba kurmancî ameyo açarnayiş. Zafê hîkayayê ke enê kitabî de yê peynîya serranê 1990an de nusîyayê, sey kitab 2006 de bi nameyê Halîn Îstanbul de Weşanxaneyê Komalî ra weşanîyaybî, dima bi eynî name sey çapê diyin 2015 de Diyarbekir de Weşanxaneyê Roşna ra weşanîyayî. Nika nuştoxî eno kitab tadayo kurdîya kurmancî ser û bi nameyê Serketina Kewan weşanîyeno.

Wusênê Gestemerde, Xezala Koyê Bîngolî, Weşanxaneyê Roşna, Diyarbekir, 2020, 104 rîpelî
ISBN: 978-605-69193-8-1

Roşan Lezgîn, Serketina Kewan, Weşanxaneya Roşna, Diyarbekir, 2020, 96 rûpel
ISBN: 978-605-69193-9-8