zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
01 Teşrîne 2018 Panşeme 09:37

Weşanxaneyê Roşna ra Di Kitabî

Hetanî nika 53 kitabî Weşanxaneyê Roşna ra weşanîyayê. Nînan ra 2 hebî kirdaskî, 2 hebî tirkî, 49 hebî kirdkî yê.

Weşanxaneyê Roşna ke bî şeş serrî Diyarbekir de xebata xwu ya çapkerdişê kitaban dewam keno ra di kitabê bînî weşanîyayî. Pa enê kitaban, hetanî nika benê 53 kitabî ke Weşanxaneyê Roşna ra weşanîyenê. Nînan ra 2 hebî kirdaskî, 2 hebî tirkî, 49 hebî kirdkî yê.

Kitabo verîn, bi nameyê “Dara Hênî” yê Hatip Erdoğmuşî yo. Muhtewaya enê kitabî de, badê vateyê verînî, derheqê xisûsîyetê sanikan de malumat yeno dayiş. Dima derheqê Dara Hênî de malumatî diyenê û demografîya mintîqeyî diyena şinasnayiş ke çend eşîrî estê û kamcîn dewan de ciwîyenê. Dima nameyê mehlayan, nehîyayan, dewan û mezrayanê Dara Hênî bi rêzkerdişê alfabetîk hem bi tirkî hem bi kirdkî yenê dayiş. Nînan ra pey, sanik û meselayê ke bi fekê Dara Hênî, hîna zaf zî bi fekê dewa Çimeyê Hênî qeyd biyê estê. Tewr peynî de zî tayê vateyê verînan estê. Xisûsîyeto tewr muhîm yê enê kitabî eno yo, reya verîn a ke bi fekê mintîqeyê Dara Hênî yew kitab wina bi serûber kirdkî de amade beno.

Kitabê diyin, “Ez Gule ra Hes Kena” yê Roşan Lezgînî yo. Kitab de 32 hîkayeyî estê. Eno kitab reya verîne 2007 de Îstanbul de Weşanxaneyê Vateyî ra vejîyabi.

Adresê waştişî:  

rlezgin@hotmail.com

pirtukakurdi.com/rosna-yayinlari

 

- Hatip Erdoğmuş, Dara Hênî, Weşanxaneyê Roşna, Diyarbekir, 2018, 128 rîpelî, ISBN: 978-605-68625-7-1

- Roşan Lezgîn, Ez Gule ra Hes Kena, Çapê diyin, Weşanxaneyê Roşna, Diyarbekir, 2018, 72 rîpelî, 10 TL, ISBN: 978-605-68625-6-4

Na xebere 3603 rey wanîyaya
No nuşte hema şîrove nêbîyo.