zazaki.net
23 Teşrîne 2017 Panşeme
Girdîya Karakteran : 12 Punto 14 Punto 16 Punto 18 Punto
11 Sibate 2010 Panşeme 14:28

Vateyê Kayî

Amadekar:
Zazakî.NET

I

Kolî, kolî, hezazê

Hakî bin de gilyaz ê.

 

Vamêran vile kerdo

Pîre rê kul û derd o.

 

Şarê ma, Şemamê ma

Zamê ma, xulamê ma.

 

Şarî şeme berde

Di Sîwanî ser de.

 

Sîwan giran o

Textê xatûnan o.

 

Cim’etê xortan o

Nîşaney keynan o.

 

Kal Heyder gawan o

Pistin pirrê nan o.

 

Pîrê, ti ana meke!

Ga w golikan teber ke.

 

 

Arêkerdoxe: Yekta Lezgîn

Çime: Vate-20, r. 101

 

 

 

II

Kolî kolî hezazê

Erdî bin de kiryaz ê.

Şarê ma şiwanê ma,

Tirkê ma kolanê ma.

Şarî Şeme berde,

Di Sîwanî ser de.

Sîwan cayko raşt o,

Pa mezget viraşto.

Mezgetê ma nîyo,

Mezgetê xalan o.

Textê xatûnan o,

Cirrê arwêşan o.

Eyşe rê yew lac bîyo,

Name pa çin yo.

Berdo serê zîyare,

Qirban golika çare

Û biza hinare,

Pa gilegoşare (1)

 

 

 

Arêkerdox: Roşan Lezgîn

Çime: Vate-30, r. 63

______________

(1) Mi no vate 06.04.2007 de, fekê Salîha Menteş ra arêda. Salîha Menteş  65 serrî û dewa Dara Hênî Rîz ra ya.

 

 

 

III

Kolê kolê hinzazek (1)

Hak bi dima tirbazek (2)

Şarê ma şemomê ma

Tirkê ma xulomê ma

Şarî, Şemi (3) berdi

Di Zîyonî (4) ser di

Zîyon caba raşt o

Pa mezget (5) viraşto

Mezgetê ma nîyo

Mezgetê kelon o

Curê arbêşon o

‘Elbay qînteron a (6)

Doray dîremon a (7)

‘Elê ma yo koro

Şîyo ma ra coro

Yew keynekêk dîya

Tunuki (8) tirkî ya

Gêsi helebî ya

Keynay Xal Wesmon ya

Gi deke xo timonî

Eşti kîştay bonî

Semedê loxmey nonî (9)

 

 

Arêkerdox: Bîlal Nêribij

Çime: Vate-32, r. 168

___________________

 [1] hinzazi: hezazi. Kerreya ke pey awe qul bîya, şîkîya. Awe hinzaze de şona binê erdî.

 [2] tirbazi: halên, cayo ke kerge hak kena.

 [3] Şemi: Nameyê cinî yo.

 [4] Zîyon: Nameyê cayêk o.

 [5] mezget: meteres. Seydarî semedê seydî virazenî.

 [6] qînter: olçek, welçeke (bi tirkî "ölçek")

 [7] dîrem: dîrhem (?) 

 [8] tunuki: cêbe (m), tûnike (m)

 [9] Nê vateyî dewa Nêribê Axan de vajîyenî. Nêribê Axan dewêka Hênî ya.

Na xebere 3096 rey wanîyaya
No nuşte hema şîrove nêbîyo.