zazaki.net
20 Êlule 2017 Çarşeme
Girdîya Karakteran : 12 Punto 14 Punto 16 Punto 18 Punto
01 Temmuze 2010 Panşeme 11:11

Şaşnuştiş Zerar Dano Kirdkî!

[Nuşte]
Roşan Lezgîn

Sloganê Afîşe de:

MA VÎRA NIKERD O – MA VÎRA NIKEN Ê

ME JI BÎR NEKIR – EM JI BÎR NAKIN

UNUTMADIK – UNUTMAYACAĞIZ

* * *

Seke aseno, sloganê na afîşe bi her di lehçeyanê kurdkî yê Kurdîstanê Bakûrî, yanî bi kirdkî û kirdaskî û bi tirkî nusîyayo. Rastî zî na ya ke heme fealîyetanê neteweyî yê kurdanê Kurdîstanê Bakûrî de her di lehçeyî seyyewbînan bêrê şuxulnayene. Û xora, beno ke qismêk kurdî bi kurdkî nêzanê, coka normal o ke tayê çî bi tirkî zî bêrê nuştene.  

Nê serranê peyênan de, yanî par û emser, zaf kêmî bo zî, sey nê sloganî merdim vîneno ke tayê cayan de bere-bere kirdkî zî hetê dezgeyanê kurdan ra yena şuxulnayene. Seba lehçeya kirdkî (kirmanckî, zazakî, dimilkî) no averşîyayîşêko musbet o.

Helbet nuştişê kirdkî karêko hol o, keyfê merdimî ano. La bi o şerto ke rast bêro nuştene. Çunkî gama ke şaş bêro nuştene, kar ra vêşêr zerarê xo lehçe rê esto. Yanî, gurenayîş û nuştişê lehçe hol o, karêko baş o, ganî ma piştgirîye bikin. Labelê seba ke şaşnuştiş zerar dano kirdkî, coka ganî ma qebul nêkin.

Meseleya rastnuştişî de wezîfe keweno milê kirdan ser. Çunkî kirdasî bi xo kirdkî nênusenê, nêzanê binusî. Xebatêka winasî de mehqeq bi yew kirdî danê nuştene. Coka kirdê ke nê karan kenê, ganî yan rastnuştişê kirdkî bimusê yan zî kesêkê zanayeyî ra bipersê.

Ma hewna biewnin nuştişê sloganê na afîşe ra.

Hetê rastnuştişî ra tirkî de problem çin o. Tirkî rast nusîyaya.

Kirdaskî zî rast nusîyaya. Hem hetê rastnuştişî ra hem zî hetê tercumeyî ra problem tede çin o.

Labelê kirdkî hem hetê tercumeyî ra hem hetê rastnuştişî ra şaş nusîyaya.

Hetê tercumeyî ra karê îbareyê verênî de şaşî esta. Tercumeyê karê “NEKIR” yê kirdaskî “NÊKERDO”yo ney “NÊKERD” o. Çunke karê “NÊKERDO” yê kirdkî teqabulê “NEKIRIYE”yê kirdaskî û “UNUTMAMIŞIZ”ê tirkî keno.

Hetê rastnuştişî ra zî ganî wina binusîyayêne:

MA XO VÎRÎ RA NÊKERD – MA XO VÎRÎ RA NÊKENÊ

Ez hêvîdar a kesê ke fealîyetanê xo de kirdkî şuxulnenê, yan ê bi xo rastnuştişî bimusê û kirdkî rast binusî yan zî merdimanê zanayan ra bipersê. Nê her di alternatîfî zî mumkin ê.

Na xebere 8661 rey wanîyaya
ŞÎROVEYÎ
f
Fuat Brusk
Roşan Lezgin uw Delal vanuw : "Şaşnuştış zırar danuw Kırdki!... " Zaf rınd vanuw... Hele ki çiyêk uw awıran iy şar verıd bı byeruw a-finayiş, merdum qê ew çiyan gereka tam diqqet bıkeruw u bınusuw. Afişan u ilanan'ıd juyêk uw Kırdki rınd nizanuw heq iy yı çınikuw zê xax Kırdki bınus u a-finuw...
Roşan Lezgin uw Delal ın iqaz iy xwı'd heq vanuw... Aynan iy ze ay sılogan nuştiy heq yın çınikuw Kırdki zê xax bınusyê... Lakin...

Ma qısı zaf zi derg nik u ma bınêk zi bıan nuştışiy Roşan Lezgin ra. Gelo Roşan Lezgin çı qeydı nusenuw. Nuştış iy yı raştuw ya nê?

Vir : bellek, hafıza.

MA XO VÎRÎ RA NÊKERD "viri" : Ina tya "i" ya peyin mon uw ze bestık(ek) iy aidiyetyuw. Lakin tya "vir"ir bestık iy aidiyêt icab nikenuw u kırdki ın qeydı'z niyena nuştış; In qeydı zi ğeletuw.
Wext ag ma ıni tercumê tırki bıker ze; maanı uw ze cı danuw ın qeydıuw: "Biz belleğimizinden silmedik silmez" (belleğimiz-in-den)

Raşt yê yı ın qêydı gere byeruw nuştış. : MA XWI VİR RA NİKERDUW : (onu) unutmadık (onu belleğimiz-den silmedik/koparmadık/atmadık

‎"Ma xwı vir ra nikerd" zi gramer iy Kırdki gorı benuw, lakin rêk raşt yê yı gere hal iy "Ma xwı vir ra nikerduw" byeruw nuştış.
29 Hezîrane 2011 Çarşeme 17:20
gorê mi raşt nûşten a nê qissan
cuma özusan
ma xu vîra nê kerd: biz unutmadık.(dili geçmiş)
ma xu vîra nêkerd o: biz unutmamışız.(mişli geçmiş)
ma xu vîra nêkenê: biz unutmayız. ( geniş zaman)
mayê xu vîra nêkenê. biz unutmuyoruz. (şimdiki zaman)
ma do xu vîra nêkerê:biz untmayacağız.(gelecek zaman)

Bol selamî
01 Çele 2011 Şeme 12:41
tu gara niyo
hîşyar
diyabakır büyükşehir belediyesi tiyatrosu aziz nesin'in sen gara değilsin adlı tiyatro oyununu zazaca sergileyecekmiş. doğrusu sevineyim mi üzüleyim mi bilmiyorum çünkü oyun adı zazacaya "tu gara niyo" olarak çevrilmiş böyle yanlış bir girişten nasıl bir oyun beklenir bilmiyorum ama ulaşma imkanı olan birilerinin bu durumu düzeltmesi gerekir diye düşünüyorum.


http://www.firatnews.org/index.php?rupel=nuce&nuceID=33005

http://www.zaman.com.tr/haber.do?haberno=1027690&title=tiyatro-sahnesinde-ilk-zazaca-oyun
15 Êlule 2010 Çarşeme 13:09