Sanikê Vateyî

Sanikê Vateyî, nameyê kitabê sanikan o, sanikê ke cayanê cîya-cîyayan ra arêdîyayê û verê cû kovara Vateyî de weşanîyayê. Kitab 163 rîpelî yo û tede 21 tene sanikî estê.

Sanikê ke nê kitabî de weşanîyayê mintiqayanê sey Aksaray, Kayserî, Licê, Dêrsim, Gimgim, Gêl, Pîran û Pali ra arêdîyayê.

Aêrkerdoxê sanikan goreyê rêzkerdişê corinî ra Memê Hilkecikî, Huseyîn Kahraman, Seleh Pak, Akman Gedîk, Alî Riza Bîlgîlî, Hîkmet Çalagan, Huseyîn Gunduz, Kemal Unal, Erdal Er, Dewij Şîyar, Receb Dildar, C. Zerduşt, Jêhatî Zengelan, Cewdet Demîrtaş, Xezala Şarikî û Mehemed Selîm Uzun ê.  

Ziwanê sanikan sade û orîjînal o, sey fekê mintiqayan nusîyayê. Seba ke verê cû kovara Vate de weşanîyayê coka heme sanikî hetê M. Malmîsanijî ra redakte bîyê.

Hetanî nika sanikê ke kovara Vate de weşanîyayê, tena nê nîyê. Mesela, 20 tene sanikê ke hetê Roşan Lezgîn û Yekta H. Okçu ra arêdîyayê CD reyde hetê Enstîtuyê Folklorê Kurdkî yê Duhokî ra Kurdîstanê Başûrî de bi nameyê Sanikanê Dîyarbekirî ra Guldesteyêk sey kitab weşanîyayî. Hewna sanikê ke hetê Seyîdxan Kurijî ra arêdîyayê, ê zî do yewna kitab de biweşanîyê. Verê cû zî sanikê ke Mihanî arêydaybî û kovara Vateyî de weşanîyaybî, Weşanxaneyê Vateyî ra weşanîyabîy.

Adresa waştişî:

Weşanxaneyê Vateyî
Katip Mustafa Çelebi Mahallesi, Tel Sok. No: 18 Kat: 3 Beyoğlu – İstanbul
Tel: 0 212 244 94 14
e-post: wesanxaneyevateyi@hotmail.com

Seba Dîyarbekirî Adresa Waştişî:

Vate Dergisi Diyarbakır Bürosu
Lise 2. Sokak Adalet Apt. Kat:1 No:3 Yenişehir / Diyarbakır
Tel: 0 412 223 03 69