zazaki.net
17 Teşrîne 2017 Îne
Girdîya Karakteran : 12 Punto 14 Punto 16 Punto 18 Punto
06 Tebaxe 2009 Panşeme 02:40

Nika Wextê Huyayîşî yo

[Daşinasnayîş] Roşan Lezgîn Grûba Xebate ya Vateyî: Nika Wextê Huyayîşî yo

Nika Wextê Huyayîşî yo, nameyê yew kitabî yo. No kitabê fiqrayan hetê Weşanxaneyê Vateyî ra emser hamnanî ginayo çape ro û 86 rîpelî yo.

Nê fiqrayê ke verî kovara Vate de weşanîyaybî, hetê gelek kesan ra amey arêdayîş. Mavajin ke, 15 tene hetê Serdar Bedirxanî ra, 14 tene hetê Seyîdxan Kurijî ra, 11 tene hetê Firat Çelkerî ra, 10 tene hetê Aysena Kurdî ra, 6 tene hetê Daîmî Bektaşî ra, 6 tene hetê Murad Canşadî ra, 4 tene hetê Xezala Şarikî ra, 4 tene hetê Giran Kizilî ra, 3 tene hetê Mehmûd Nêşiteyî ra, 2 tene hetê Kemal Unalî ra, 2 tene hetê Akman Gedîkî ra û hetê her yewî ra 1 tene zî hetê Turgut Ersoy, Tahsîn Erîş, Mihanî Licokic, Omer Akengîn, Velî Şahîn, Îrfan Kaya, Mutlu Firat, Abbas Îzol û Celadet Alî Bedirxanî ra amey arêdayîş. A ke hetê Celadet Alî Bedirxanî ra ameya arêdayîş, M. Malmîsanîjî kurmanckî ra çarnaya kirmanckî ser. 2 tene zî arêdayoxê înan bellî nîyê.

Fiqrayî heme hetê M. Malmîsanijî ra amey redaktekerdiş. Xusûsîyetê fekkî yê arêkerdoxan o orîjînal muhafeze bîyo. Ziwanê hemîne fesîh û sade yo. Leze fehm beno.

Her fiqra bi yew tewir merdimî dana huyayîş. Mavajin ke yew înan ra wina ya:

“Yew lajê yew cinî camêrdê kokimî beno. Lajek wextê zewajî de yo. Ma û pîyê ey qayîl î ey bizewijnî labelê zaf feqîr î. Şewêk beyntarê xo de qalî kenî vanî, ‘Ma se kî, senî nê lajekî bizewijnî?’ Peynî de vanî ‘Ma herê xo biroşî, bi ê pereyan ey bizewejnî’. Lajek nê qalanê înan eşnaweno.

Gelek dem dekeweno beyntar, lajek ewnîyêno ke çîyê orte de nêaseno, şino maya xo ra vano:

- Dayê, to û bawoyî a şewe behsê herî kerdbi. Şima hewna behsê ey nêkenî?”

 Heme fiqrayê ke no kitab de ca gênî, bi no qayde sade û mîzahî yê.

Ma kurdî zaf bermenê, de ma bineyke zî bihuyin, nika wextê huyayîşî yo.

268

Adresa waştişî:

Weşanxaneyê Vateyî
Katip Mustafa Çelebi Mahallesi, Tel Sok. No: 18 Kat: 3 Beyoğlu – İstanbul
Tel: 0 212 244 94 14
e-post: wesanxaneyevateyi@hotmail.com

Seba Dîyarbekirî Adresa Waştişî:

Vate Dergisi Diyarbakır Bürosu
Lise 2. Sokak Adalet Apt. Kat:1 No:3 Yenişehir / Diyarbakır
Tel: 0 412 223 03 69

Na xebere 2327 rey wanîyaya
No nuşte hema şîrove nêbîyo.