Nameyê Dewanê Pilemurîye
Pilemurîye (Pülümür), qazaya Dêrsimî (Tunceli) ya. Hetê vakurê rojhelatî de Mamekîye ra
Esas, kulturê ma kurdan de gome ne tede, qeza ra cêr pêro şêngeyî, yanî mezra, dewe û nehîye, heme sey "dewe" name benê. La na xebate de dewê ke resmîyet de sey muxtarîye hesibênê, ma nameyê hemîne yê tirkî û nameyê kurdkî yê orîjînalî tesbît kerdî û yew lîste de nuştî. Nameyê dewanê ke dewlete raşanayê kerdê tal, yan sewbîna sedeman ra bîyê tal û muxtarîya înan betal bîya, hewna, mezrayê ke ma bese kerd nameyê înan tesbît bikin, ma yewna lîste de nîşan dayî.
Nameyê tayê dewan bi çend hawayî vajîyêno. Mavajîme, seba dewa Qelecixe goreyê fekanê dewan nê nameyî estê: Qelecixe, Qelecuxe, Qeleyuxe yan Gersinut, Gêrsinot, Gersunut yan kî Panciras, Pancilas ûsn. Labelê hetanî ke mumkin o, ma tena yew form tercîh kerd. Dewê ke di nameyê xo estê, ma her di kî nuştî. Nameyanê tirkî de kî biney ferq estbî. Mavajîme, dewa Şênîya Axayan bi tirkî hem sey Ağaşenlik û hem sey Ağaşenliği name bena. Tirkî de ma çimeyê qaymeqamîye esas girewt.
Hetanî ke mumkin o ma formê nameyan goreyê kirmanckîya nuştekî ya standarde nuştî. Mavajîme, Şênîya Axû yan kî Şênîya Axayû, ma sey Şênîya Axayan nuşte. Hewna, ma Qeredewranê Sampasayî sey Qeredewranê Şampaşayî nuşt. Tîya de fikrê ma wina yo. Çarçewaya standardbîyayîşê ziwanê ma de nameyê dewanê ma kî ganî bi formo standard binusîyê. Heto bîn ra, zafê cayanê welatê ma de, gama ke merdim vajo “Sampasa” manaya “Şampaşa” de fehm nêbeno. Şarê mintiqa qiseykerdiş de sey fekê xo nameyan telafuz keno la nuştiş de ganî ma qaydeyanê standardîzekerdişî tetbîq bikin. Bi no qayde beno ke resmîyet de kî bîyerê nuştiş.
Dewanê Pilemurîye ra Zimage (Közlüce) xaric, heme dewî, nehîyeyî û merkezê Pilemurîye bi lehçeya kirmanckî qisey kenê. Zimage tirkî û kirmanckî pîya qisey kena.
Tesbîtkerdişê nameyê dewanê Pilemurîye de ma tayê çimeyanê înternetî ra îstîfade kerd la esas M. Doganî ardimê ma kerd. Çimeyê înternetî ke ma înan ra îstîfade kerd nê yê:
- Foto: Ulaş Ozyol
Nameyê ke makî vajîyenê bi (m), yê ke nêrkî vajîyênê zî bi (n) îşaret bîyê.
Seba tabloyê nameyê dewanê Pilemurîye bitikne>>>
Şîrove Bike
Yewna rê bişawe 
Prînter Bike
Acor
