MEWSIMÎ

Wisar yeno, vewre helîyena

Hewr gureno, varitî varena

Debr û dar û nebat benê kewe

Hênî w çeman ra awe xuşena

Hamnan germ o, meyweyî resenê

Teyr û tûrî leyîran pernenê

Rojî derg ê, wextê kar-xebate

Payizî çi ramito, nika çînenê

Payizî darî pelan kenê zerd

Eke şilî bo, rewa kuna erd

Hêgayî benê nerm, cite kenê

Seba serra bîne tov kenê erd

Zimistan serd o, benê derg şewî

Sanikan vanê, pê anê hewî

Arisyenê, îstîrehet kenê

Pawenê, heta dinya bibo kewî 

_________

Ena şîîre "Newepel, hûmare 96, r. 7" de weşanîyaya.
Bê destûrê nuştoxî û rojnameyê Newepelî yewna ca de weşanayiş qedexe yo!