zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
27 Teşrîne 2010 Şeme 08:54

Luyi Nêbena Embaz

Sanike: Maruf Yilmaz

Bibi çinê bi. Pîrêka ocaxkori bî. Vana, ez şorî tewer û xu rê yew ewlad bigêrî.

Kote ray ser, binêyki şî, rastê heşêk amî.

Heşî pers kerd, va:

- Ti yo şêrî ça, Pîrê?

Pîri va:

- Ez o şêrî tewer, semê ki xu rê yew ewlad vînî û bîyarî kîye.

Heşî Pîri ra pers kerd, va:

- Ma ti nêwezena mi bikê ewladê xu?

Pîri tay vinete, va:

- E, sar û çimonê mi ser a, teniya ki ti qevul bikê.

Heşî min û to zêy gê [gayî] ora, pencê xu day werêbînû ro. Pîri tersay, va:

- Nê, ez to nêwezena.

Û xo rê rayê xu di şîyi. Tay şî, rastê vergêk amî. Vergî ya ra pers kerd, va:

- Ti yo şêrî ça, Pîrê?

Pîri va:

- Ez şina tewer di gêrena ewladêki.

Vergî pers kerd, va:

- Ez wazena biwî ewladê to, Pîrê. Ti êşkena mi xu rê berê, bikê ewladê xu?

Pîri va:

- Ez to qevul kena. Çi rî nêşkena? Sar û çimonê mi sar a.

Vergê min û to zî zê heşî ora, zura. Pîri yî ra zî tersay û va:

- Nê, ez to nêwezena.

Pîri koti ray ser. Tê şî, rastê luyêki zî amî. Luyi Pîri ra pers kerd va.

- Ti yo şêrê ça, Pîrê?

Pîri va:

- Ez o şêrî tewer semê ki xu rê yew ewlad vînî.

Luyi Pîri ra va:

- Ma ti bawer kena ki ez to rê bena, Pîrê?

Pîri va:

- Ez bawer kena, sar û û çimonê mi ser a.

Luyi destê xu dê werêbînû ro, semê ki Pîri ya qevul kerd.

Rojo ewilî luyi hema bizê ya werdi. Rojo dîyini luya min û to hema kergê ya werdi. Rojo hîrini tatur û qormê ya werd. Şan di Pîri amî kîye, va:

- Erê ho ça dewarê mi, ho ça tatur û qormê mi?

Luyi va:

- Poste ho serê bonî di, sare ho axor di, vêre ho koxê kergon di.

Seyî ki luyi îna va, Pîri gina erd ro û xereqîya…

 

Stokholm, 1990

Na xebere 3020 rey wanîyaya
ŞÎROVEYÎ
green
green
rind yew sanike ya
27 Teşrîne 2010 Şeme 19:23