zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
10 Gulane 2011 Sêşeme 22:07

Kirdkî de Kitabêna: Mêrdeyê Şewe

Mesajê kayî no yo: “Cu kayêk nîyo, wina sey kayêk mewnêne cuye ra û mevîyarêne. Mebêne temaşekarê cuye.”

No kitab yew kayê tîyatroyî yo, kurmanckî û kirdkîya kayî têreyra tede ca girewto. Kaykerdoxanê tîyatroyî Berfîn Zenderlîoglu û Mîrza Metînî bi kurmanckî nuşto. Roşan Lezgînî zî çarnayo kirdkî ser.

No kay rexnekerdişê zîhnîyetê mêrdeyîye ser o ceribnayîşêk o. No awir xo bi travmaya cematkî ya cinîyan nawneno. Kêmaneya mêrdeyan seba cinîyan bena tecrîdêko derûnî (psîkolojîkî), zîhnî û fîzîkî ke gonîya înan misneno. Dewlete û cemato ke hertim awiranê xo merdimî ser o çarnenê, goşdarî û destdergîye kenê, bîyê mekanîzmayêka zordestî û tersnayîşî û cinî eştê serê sergoyî, uca sey “Mêrdeyê Şewe” ameyo nîşan dayene.

Kay, bi elementanê derûnî û îronîkan hetê camêrdan ra dorpêçkerdişê cinîyan nawneno ke merdiman reyêna na mesela ser o hîşyar bikero.

Mesajê kayî no yo: “Cu kayêk nîyo, wina sey kayêk mewnêne cuye ra û mevîyarêne. Mebêne temaşekarê cuye.”

No kay, reya verêne roja 03 nîsane 2009 de Îstanbul de hetê DestAR-Theatre ra ame kay kerdene. Beşdarê hîrê festîvalan bi. Pêro pîya 52 rey ame nîşan dayene. Cornuşteyê tirkî ame kar ardene. Reya verêne bi hawayêko resmî Tîyatroyê Dewlete yê Wanî de ame kay kerdene.

Hewteyo ke vîyart, Dîyarbekir de Merkezê Kulturî yê Cegerxwînî de ame kay kerdene. Homa bikero ke rojêk kirdkîya ey zî kay bibo.

Berfîn Zenderlioglu & Mîrza Metîn, Mêrdeyê Şewe, Kurmanckî ra Çarnayîş: Roşan Lezgîn, Weşanên Avesta, Îstanbul, 2011, 52 + 52 = 104 rîpelî

Na xebere 2513 rey wanîyaya
No nuşte hema şîrove nêbîyo.