zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
05 Çele 2010 Sêşeme 09:24

Kesk û Kesmek

^Meyman Alî

Lacê mi Meyman di û nêm serre yo. Hîrê mengî yo ke şono kreş. Keye de ez tey ziwanê ma de qal keno. Demo ke ma ruşna kreş, ma bol tengîye dî. Hefteyê de rey nêweş kewt û keye de  mend. Game bi game ha yeno ra xo, qaydeyê kreşî museno.

Her cîhet ra faydeyê kreşî zî zêde yo. Embazê xo yê emsalî benê zêde. Kaykerdîş ra dahîna zaf keyf gêno. Her roje nameyê embazanê xo museno û mareno. Kincê înan kî kam reng de yê, kam bermeno, maya xo wazeno, kam werdê xo weno kam nêweno. Nînan ser o wurdî-wurdî xoşebere kenîme.

Mamostayê ey ê kreşî zî ey ra zaf şa benê. Mîyanê înan de cayê mamosta Kubra cîya yo. Meyman û Kubra yewbînî ra zaf memnun ê.

Rojê heme domanî resman boya kenê. Mamosta Kubra kaxitan vila kena. Peyê cû vana: Nameyê şeklî vacêrê û hewz boya kerê. Meyman zî nameyê rengî kurdkî vano :

- Daîre yo, kesk, kesk keme?

Mamosta Kubra vazena ke rast bikero, tekrar kena û îzeh kena. Çunkî tersena ke Meyman kaxite bibirno.

Meyman ziwanê ma de vano “kesk” la mamosta vana qey Meyman vano “kes”, yanî wazeno bibirno. Mamosta Kubra vana:

- Meyman “kesmiyoruz, yeşile boyuyoruz!”

Yanî vana, nêbirnenîme Meyman, hewz boye kenîme.

 

Na xebere 2246 rey wanîyaya
No nuşte hema şîrove nêbîyo.