zazaki.net
23 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
12 Hezîrane 2010 Şeme 08:49

Kaya Tîyatroyî: Rengê Awe

Nuştox: Cuma Boynukara
Tirkî ra çarnayox: Roşan Lezgîn

RENGÊ AWE

  

(Kaya Tîyatroyî)

 

Na kaye reya verêne roja 22 sibate 2002 de hetê “Bilim Eğitim Estetik Kültür Sanat Araştırmaları Vakfı BEKSAV Tiyatro İmge” ra bi rejîyê Metîn Balayî Kadıköy Halk Eğtim Merkezi de ameye nîşandayene.

 

 Nuştox: Cuma Boynukara

Tirkî ra çarnayox: Roşan Lezgîn

 

Kaykerdoxî: 1.Cinî, 2.Xort

  

1

(Deştêk ke dorê aye koy ê, asena. Dar û berî huşk bîyê, erd şeqayo. Cinîke kîşta tûmêk de çok dayo erd. Tûmo ke cinîke ver de ronişta, maneno mezelî. Hewa hewrin o. Heta vajî, hewayêko hende girewte yo. Cinî gileyê porê xo akerdê, bi şaneyêkê darînî porê xo şane kena. Feqîrî û desttengîye her halê cinî ra xo nawenenê.)

CINÎ: (Cinî herra ke bi destan kenena ra çengêk herre gêna.) Zemanêk na herre gul û gulîstan bî, yewa xo kerdêne hezar. O wext na herre merdimî kerdêne aşiqê xo. Epey zeman o ke na herre hem awe ra hem rojî ra heredan a. Eke sedemê heredê aye bizanîyo zî, xo danê nezanîye ro. Hewrê ke asenê, bi awe degirewte yê; eynî sey cinîya hemîla ke bi hêvîya domanardişî ya… Oyy hewrêno, heme cinîyê hemîlayî rew-erey rojê hemlê xo nanê ro, di ganî yewbînan ra cîya benê, merde yan zî gane. Şima çira hemlê xo ronênanê? Çira? Çira şima wina vinderte yê. Huyayîşêkê şima nê derûdoran keno gul û gulîstan. Çira şima qet nêhuyenê? Çira? Uca her çî qedîyayêne. Her çî. Zaf leze, zaf rew. Nişka ra her çî bese kerdêne bivuryo. Werdê ma çin bi. Awa ma rewna peysaybî. Xora variş rewna hetê erdanê ma ra nêamebi… 

 

Seba wendişê dewamê metnî bitikne>>>

Na xebere 2985 rey wanîyaya
No nuşte hema şîrove nêbîyo.