zazaki.net
22 Gulane 2017 Dişeme
Girdîya Karakteran : 12 Punto 14 Punto 16 Punto 18 Punto
16 Adare 2017 Panşeme 11:51

HEVALTÎYA TEYRAN

Mihanî Licokic

Pes şibi binê Hezan

Vergî nêwerê bizan!

 

Ma şiwanê bizêkan

Ê verek û golikan

 

Ma kurêk day çûçikan

Vengweşê barîçikan

 

Ma şî bexçey biyokan

Hame rindê kevokan

 

Ma va "Kevok, ti ça ra?

Va "Ê dewê Cimar a."

 

"Çi rê hameya Licokan?"

Va "Tiya dewê biyokan."

 

"Ti hes kena biyokan?"

Va "Ê werdê kevokan."

 

"Hes kena çi nebatî?"

Va "Sayanê Xelatî."

 

Va "Şekirê nebatî."

Va "Ma gulê civatî."

 

"Kevok, koterî ça yê?"

Va "Ma way û bira yê."

 

Ma va "Baz û qertelî?"

"Meke qal, ê xeter î!"

 

Ma va "Bostan zebeş ê."

Va "Ma rê dendik weş ê."

 

Va "Zerencî delal ê.

Zerencî vengzelal ê."

 

Ma va "Çi zey zengil î?"

Ê va "Vengê bulbulî."

 

"Çi weş o, çim bi kilî?"

Va "Genimê sorgulî."

_________

Ena şîîre "Newepel, hûmare 96, r. 7" de weşanîyaya.
Bê destûrê nuştoxî û rojnameyê Newepelî yewna ca de weşanayiş qedexe yo!

Na xebere 303 rey wanîyaya
No nuşte hema şîrove nêbîyo.