zazaki.net
21 Tebaxe 2017 Dişeme
Girdîya Karakteran : 12 Punto 14 Punto 16 Punto 18 Punto
22 Teşrîne 2011 Sêşeme 15:00

Folklorê Ma ra...

Arêkerdox: Murad Canşad

Lû lû

Palegû

Dimçengû

Haver ra, naver ra

Kuzî kergê mi berda

Peyê bonû de werda

Ne aste ne poste

Barê …(*) qineste

___________

(Arêdayox: Murad Canşad, Mintiqa: Çewlîg, Vatox: Yawuz Buldak)

(*) Tîya de nameyê yew tutî yan tute vajîyeno.

 

 

 

Çewres heb keşîşê mi estê

Her keşîş çewres heb entarîyê xo estê

Her entarî de çewres heb cêbî estê

Her cêbe de çewres heb kardî estê

Her kardî, çewres heb fekê xo estê

Her fek de çewrse heb qulî estê

Ecêba kenê çend hebî?

___________

(Arêdayox: Murad Canşad, Mintiqa: Çewlîg, Vatox: Huseyîn Çakan)

 

 

 

Kêneka qinsîyaye

Gindir bîye şîye bnênîya raye

Mi piştî kerde arde serênîya raye

Qina mi de fekê aye

Fekê aye de qina mi (*)

___________

(Arêdayox: Murad Canşad, Mintiqa: Mamekîye, Vatox: Yusuf Güven)

(*) Her di rêzê peyênî têdima hîrê rey tekrar benê.

 

 

 

Hêlug ra pirpilug (*) a

Şiwana dîya keyna çîya (**)

Bukan (***) pewta, kal û pîran werda

Û pê tir û fisan kerda

____________

(Arêdayox: Murad Canşad, Mintiqa: Pasûr, Vatox: Mikaîl Karakuş)

(*) pirpilug[e]: hêluga/gulika ke hîna newe vejîyaya

(**) çîya: çînaya

(***) buke: vêke, vêve

 

Na xebere 2439 rey wanîyaya
No nuşte hema şîrove nêbîyo.