23 Tebaxe 2010 Dişeme 08:57

Ferhengê Kirmanckî (Zazakî) – Kurmancî Vejîya

Xebere: Zazakî.Net

Ferhengê Kirmanckî (Zazakî) – Kurmancî / Kurmancî - Kirmanckî (Zazakî) ke hetê Çeko Kocadagî ra amade bîyo, Almanya de Weşanên Komkarî ra vejîya.

Hetanî nika ferhengê ke kirmanckî (zazakî) de amade bîyê, heme kirmanckî (zazakî) û tirkî yan zî tirkî-kirmanckî (zazakî) bîy. No ferhengo yewin o ke mîyanê nê her di lehçeyanê kurdkî de amade bîyo.

Goreyê malumatanê ke Çeko Kocadagî day, ferheng 1075 rîpelî yo û tede 60 hezarî ra cor, nêzdîyê 70 hezarî çekuyî estê. Çeko vano, “Mi serra 1990 de dest bi na xebate kerd û serra 2004î de mi xebata xo temam kerde.”

Çeko bi xo destpêkê ferhengê xo de vano “Qederî çekûyanê şarîmîyan [mîyanê şarî] de vajîyan [vajîyênê] ra, mi ziwanê kirmanckî de ca da bi çekûyan û termanê modern û newevirazîyan [neweviraşteyan] kî.”

Ferheng ra tayê nimûneyî:

adirgeber'e n. kevirê heste, restem, berheste, arbeşk n.

adirkiştîye m. îtfaye, agirsongî m.

adirkiştox n. agirkuj, agirvês, agirvekuj, agirsong n.

Seba peydakerdişê nê ferhengî merdim şêno e-mailê ceko.ferheng@web.de reyde têkilî rono.

Kunyeya kitabî: Çeko Kocadag, Ferheng, Kirmanckî (Zazakî) - Kurmancî, Kurmancî - Kirmanckî (Zazakî), Weşanên Komkar, Berlîn, 2010, 1075 rîpelî, ISBN: 978-3-927213-40-1

Na xebere 2060 rey wanîyaya

ŞÎROVEYÎ

roj

ini ferheng zaf weş biyo ... ez şimari bimbarik keno .. fekat zaf haber vila bikeri ma buvoni

26 Kanûne 2010 Yewşeme 21:49

Paloyij

Şêx Saîd

Ez nêzûn in xalza çi vano, ma wayîrê zonê xu vecyênî û cayê ma yewbînûn nêkişenî. Ez Pali ra wû, zûnê mi kirdî ya, û welatê mi Kurdîstan o. Inên ez nêvûno, zûnê mi inhawa vûno. Zazakî'ya, Kurmancî bîya, yow ca yo. Biwaner, ti zî o mehil bewnî, bûnder bike, ma pêro Kurd î.

26 Kanûne 2010 Yewşeme 16:32

Hajunra

meheme

Keko bunene mira: İn kitab Zazaki niyu. İn kitap semed Kirmanckiyo. Kirmanci Zazaki niya. Şima qe ina ken. Kirmancki kirdkiya feqet Zazazki kirdki niya. Şima zaf xeteka pil ken. Alla pêne ma xer kô. Sebeb şimara insun ma yobino kişeno.
Mehemedo bira,
Mi fehm nêkerd ti vanî se?
No kitabo ke cor ra ma xebera vejîyayîşê ey viraşta û tîya de weşanaya, ferheng o, yanî sözlük o.
No sözlük bi "zazakî (kirdkî, kirmanckî, dimilkî) û kurmanckî (kirdaskî) yo.
Mi fehm nêkerd ke semedê ma ra kam kamî kişeno, çira kişeno?
Nika ma xo ra vanê "kird" la qismêk şarê ma zî xo ra vanê "zaza", ê ke vanê "kirmanc" û "dmilî" zî estê.
Rast a ke ma kurmanc, soran, lurr yan goranî nîyê, ma kird ê. La nameyê ma hemîne "kurd" o, welatê ma zî Kurdistan o.
Ma senî zaf xetayêka pîle kenê, dê vaje, ma bizanîn!

25 Kanûne 2010 Şeme 21:17

Seba heme şîroveyan bitikne( 3 )