zazaki.net
23 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
10 Gulane 2013 Îne 07:51

Fekê Çewlîgî de Eserêko Muhîm

Bi wayîrvejîyayîş her çî beno zergûn, her çî ciwîyeno. Ez hêvîdar a ke her kes, wayîrîya kirdkî bikero. Ziwano ke heta ina roje ameyo, gerek ma zî neqlê qijanê xo biker.

 

Kitabê sanikan “Vistonikê Dadîye Mi” Weşanxaneyê Roşna ra vejîya. No kitabê şeşin yê safî bi kirdkî yo ke nê weşanxaneyî ra weşanîyeno. Kitab 352 rîpelî yo, tede 60 heb sanikê hetê Çewlîgî estê. Peynîya kitabî de yew zî ferhengekê çekuyanê mehelîyan esto.

Derheqê sanikanê ke kitab de ca gênê de redaktorê kitabî wina nuşto: “Nê sanikî helbet hetê kulturî ra, hetê cuya sosyale ra, hetê qabîlîyetê hunerî û edebî yê kirdan ra zaf muhîm ê. La hetê ziwanî ra, bitaybetî hetê qaydeyanê fekê Çewlîgî ra muhîmêr ê. Çunke fekê Çewlîgî de senî ameyê vatiş, eynî bi o qayde ameyê nuştiş.”

Arêkerdoxê sanikan Îsmet Bor vateyê verênê kitabî de vano: “Mi waşt ke vistonikê ma vîndî nêbê. Senî gi dadîye mi ardê resnayê mi, ez zî neslê ma yê ameyeyî rê verdî, ez neqlê înan bikerî. A dinyaya ma ya ke bi ‘cêk ben cêk nîben’ a dest pêkerdên, mi waşt ke ez newe ra şên bikerî. (…) Bi wayîrvejîyayîş her çî beno zergûn, her çî ciwîyeno. Ez hêvîdar a ke her kes, çi dest ra yeno, wayîrîya kirdkî bikero. Ziwan û sanikê ke heta ina roje ameyê resayê ma, gerek ma zî neqlê qijanê xo biker.”

Adresa waştişî: rlezgin@hotmail.com

Îsmet Bor, Vistonikê Dadîye Mi, Weşanxaneyê Roşna, Dîyarbekir, 2013, 352 rîpelî

Na xebere 2578 rey wanîyaya
ŞÎROVEYÎ
Keliman raşt bınusin
Fuat Brusk
Vıstonek niya "Virçonık"a
12 Gulane 2013 Yewşeme 22:01
Bimbarik bo
Azij
Biray maw Îsmetî yo gureyêko baş kerd. Ma hesretê Kirdkîya in qêdîn bî. Feqet redakte di mi gore zaf xeletî est. Redaktor fekê Az nêzûn gorê zanayişê xû redakte kerd. Ya yo hewê kitabî gorê fêk Az a binusyên ya zî ser ra bin redakte bên. La nîmê kelîma fek nîmo bîn standart ûmo nuştiş. Hîna zî yew eserêko zaf hol o. Kedê kûm in guri di esta dêst yi têrnî b'...
Merheba bira,
Ti vanî "redakte di mi gore zaf xeletî est".
Gelo ti eşkenî nimûne bidî? Ez fehm bikî hela xeletî çi ya, rasta xo çi ya.
Zaf selamî...
Roşan
12 Gulane 2013 Yewşeme 18:46