zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
02 Kanûne 2010 Panşeme 09:05

Dêvo Kor: Estanikanê Gimgimî ra

Xebere: Zazakî.Net

Dêvo Kor, nameyê kitabêkê kirmanckî yo. Kitab hetê Weşanxaneyê Vateyî ra weşanîyayo. Kitab de heşt hebî sanikê ke fekê şarê Gimgimî ra arêdîyayê, estê: Dêvo Kor, Elbeyî, Hakimîye, Hawt Birayê Canşahî, Hurum, Mîr Mehemed, Pîr û Luye, Ristim Zal û Qerekindir. Sanikî hetê Huseyîn Ballikayayî ra arêdîyayê.

Huseyîn Ballikayayî çar sanikî dewa Xelefa ya Gimgimî de, çar hebî zî Îstanbul de taxa Gazî de fekê pîlan ra arêdayê.

Seke yeno zanayene, zafê şarê ma sedemanê cîya-cîyayan ra dewan ra koç kerd, şaristanan ra bi vila. Neslê ke emrê înan 20 ra cor bi, înan kulturê xo, folklorê xo zî xo reyra ard. La no kultur û folklor mîyanê qelebalixê şaristanan de tavilî beno vîndî, vilişîyêno şino. Çareyê xo no yo ke, ganî wext de bêro arêdayene, qeyd bibo. Coka Huseyîn Ballikayayî karêko zaf hol kerdo.

Ziwanê sanikan fekê Gimgimî yo, ziwanêko pak o, hol redakte bîyo.

Beno nêbeno hawt birayî benê. Nê şonê ede serê hazar gola ra danê piro ser û bin ra bonê virazenê. Çêverêdê pola kî nanê pira. Eke meymanî amey nê be nêrguwan benê zerê çeyî ke wa kes çêverê pê memuso. Nê hawtmîna birayî kî zewecîya yê, wayîrê cinîkan ê. Nê birayî her roj şonê hazar gola nêçîr. Cinî tenya çê de manenê. Mêrdê xo şodir şonê şan de ênê. Cinîyê şeş biraya xo rê biraka vînenê…” 

      

Kunyeya Kitabî: Arêkerdox: Huseyîn Ballikaya, Dêvo Kor, Weşanxaneyê Vateyî, Îstanbul, 2010, 157 rîpelî

Adresa waştişî: Vate Yayınları, Katip Mustafa Çelebi Mahallesi, Tel Sok. No: 18 Kat: 3, Beyoğlu – İstanbul, Tel: 0 212 244 94 14, e-post: wesanxaneyevateyi@hotmail.com

Dîyarbekir de: Ekinciler Cad., Nurlar Ap., Kat 3, Ofîs – Dîyarbekir

Na xebere 2970 rey wanîyaya
No nuşte hema şîrove nêbîyo.