zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
22 Temmuze 2010 Panşeme 09:02

Deniz Gunduzî ra Yewna Roman: Soro

Xebere:
Zazakî.NET

Romannuştoxo tewr verên yê kirmancan Deniz Gundizî romanê xo yê diyin Soro zî weşana. Bi no qayde Soro beno romanê çarine yê kirmanckî. Romanê Soro no amnan Weşanxaneyê Vateyî ra weşanîya û 525 rîpelî yo.

Romano tewr verên yê kirmanckî Kilama Pepûgî (Anqara, 2000), yê diyine Gula Çemê Pêrre (Îstanbul, 2007) û yê hîrêyine zî Zifqêra Berî (Îstanbul 2009) yo.

Esas Soro nameyê qaremanê romanî yo. Mekanê romanî mintiqaya Mûşî, bi taybet derûdorê Gimgimî yo. Roman winî dest pêkeno: “Deşta Uskura de hez û dereyan de wewre ginaybî piro, pul-pul belekî kewtîbîy erd. Deşte sey yew uskuraya sipî û hîraye mîyanê Koyanê Şerefdînî û Bîngolî de rojhelat û rojawanî ser de bîyêne ra hîra. Derûdormeyê na uskura de bi desan dewî nîyîyaybîy ro. Nê dewan kî nika sey belekanê deşte sîya kerdêne, sewbîna her ca binê vewre de bî.”

Babeta romanî babetêka aktuel a. Qalê şerê bênetîceyî yê nê serranê peyênan beno ke senî welatê kurdan, sosyalîteya miletê kurdî têser û têbin ra bî. Roman de her çî zinde û rastkên o. Hende rastkên o ke merdim vano qey qaremananê romanî ra yew qareman o û rast a ke nika ha mîyanê atmosferê şerî de.

Deniz Gunduzî romanê xo de ziwanêko fesîh û hende zî dewlemend şuxulnayo.

Adresa waştişî:

Vate Yayınları

Katip Mustafa Çelebi Mahallesi, Tel Sok. No: 18 Kat: 3

Beyoğlu – İstanbul

Tel: 0 212 244 94 14

e-post: wesanxaneyevateyi@hotmail.com

Deniz Gunduz, Soro, Weşanxaneyê Vateyî, Îstanbul, 2010, 525 rîpelî

Na xebere 2906 rey wanîyaya
ŞÎROVEYÎ
Veroz
Xarigıj
Mı kıtabo Deniz Gundizi Soro herina. Romani bı zıwané standardi ameyo nuştene u ez zaf pé qayil biyo.
22 Temmuze 2010 Panşeme 11:33