Weşanxaneyê Roşna ra Yewna Kitab

Weşanxaneyê Roşna ra yewna kitab vejîya. Eno kitab tenya yew hîkayeya derge ra îbaret o. Kunyeya kitabî wina ya:

Evdî Hesqera, Çend Kerdenê Dostê Kosmosî, Weşanxaneyê Roşna, Diyarbekir, 2025, 54 rîpelî

Vejîyayişê enê kitabî dir benê 79 kitabî ke ma Weşanxaneyê Roşna ra weşanenê: 70 hebî Zazakî, 7 hebî Kurmancî û 2 hebî zî Tirkî.

Eno beno kitabê hîrêyin yê Evdî Hesqerayî ke ma weşanenê. Evdî Hesqera bi xwu kurmanc o. Wexto ke ma rojnameyê Newepelî vetêne, yew wendoxê ma yo baldar bi. Ey semedê hûmara 88ine ya Newepelî bi sernameyê “Bê bê! Yew Kirdas Dimilî Museno” yew nuşte nuştbi û behs kerdbi ke senî mûsayo Zazakî. Yanî Evdî Hesqera rojnameyê Newepelî de mûsa Zazakî û eno beno hîrê kitabê hîkayeyan ke bi Zazakî nusneno.

Evdî Hesqera, Çend Kerdenê Dostê Kosmosî, Weşanxaneyê Roşna, Diyarbekir, 2025, 54 rîpelî