Weşanxaneyê Roşna ra Hîrêna Kitabî Weşanîyayî

Weşanxaneyê Roşna ra hîrêna kitabî vejîyayî. Emser benê 8 kitabî ke Weşanxaneyê Roşna ra weşanîyenê. Hetanî nika 54 kirdkî, 4 kurmancî û 2 hebî zî tirkî, pêro piya benê 60 kitabê 40 nuştoxan ke Weşanxaneyê Roşna ra vejîyenê.

Kitabo yewin yê Îrfan Sîmserkîsijî bi nameyê Tenyayîya Xwu de yo, tede 21 şiîrî estê. Îrfan Miyaran ra yo, verê cû bi nameyê Kal Mûsênî Zeydûnû (2012) û Sîmserkîs (Folklor) (2018) 2 kitabê eyê bînî zî weşanîyaybî.

Kitabo diyin yê Havîn Acar bi nameyê Li Min Binêre, kitabê şiîran o, tede 43 hebî şiîrê bi terzê serbestî estê. Havîn Acar Şirnex ra ya, eno kitabê aye o verîn o.

Kitabê hîrêyin romanê Nadîre Güntaş Aldatmaz bi nameyê Xewn o. Eno roman verê cû bi nameyê Pîltane Weşanxaneyê Vateyî ra weşanîyabi (2016). Nika Roşan Lezgînî tercumeyê kurmancî kerdo. Nadîre Güntaş Aldatmaz Dêrsim ra ya, kovara Şewçila û rojnameyê Newepelî de dest bi nuştiş kerdbi, heta nika bi nameyê Sanikanê Mamekîye ra (2013), Pîyê Mi Kemane Cinitêne (2013), Folklorê Kirmancan Ser o (2014), Pîltane (2016) 4 kitabê aye weşanîyayê.

NOT: Kitabê ma înternetî ser o, www.pirtukakurdi.com de yenê rotiş. Ma bi xwu zî kitabanê xwu roşenê. Eger şima sipariş bidê ma, bi fiyeto kêmî, miyanê di rojan de kitabî resenê verê destê şima.
Kitabrotoxan de zî, Diyarbekir de, ancî PirtukaKurdî de, Îstanbul de zî Medya Kitabevi de yenê rotiş.

Îrfan Sîmserkîsij, Tenyayîya Xwu de, Weşanxaneyê Roşna, Diyarbekir, 2019, 64 rîpelî

Havîn Acar, Li Min Binêre, Weşanxaneya Roşna, Diyarbekir, 2019, 64 rûpel

Nadîre Güntaş Aldatmaz, Xewn, Weşanxaneya Roşna, Diyarbekir, 2019, 200 rûpel